चाकण टाईम्स

कॉसमॉस बँकेच्या 120 व्या शाखेचे चाकणला उद्घाटन चाकण:अविनाश दुधवडे उद्योग नगरी म्हणून नावारूपाला आलेल्या चाकण भागात ग्राहकांना अपेक्षित असणाऱ्या व अन्य बँकांकडून न मिळणाऱ्या सर्व प्रकारच्या सुविधा देण्याचा कॉसमॉस बँक प्रयत्न करणार आहे असे प्रतिपादन बँकेचे अध्यक्ष कृष्णकुमार गोयल यांनी आज (दि.30)येथे केले.  कॉसमॉस को-ऑपरेटिव्ह बँकेच्या 120 व्या शाखेचे चाकण (ता.खेड) येथे उद्घाटन आज करण्यात आले,त्या प्रसंगी गोयल बोलत होते.कार्यक्रमाच्या अध्यक्षस्थानी किशोर पंप्स लिमिटेडचे अध्यक्ष किशोर देसाई होते. यावेळी बँकेचे उपाध्यक्ष मिलिंद काळे,मुख्य कार्यकारी अधिकारी (सीईओ) विक्रांत पोंक्षे बँकेच्या चाकण शाखेचे अधिकारी विवेक इनामदार,विनायक जोशी,माधुरी मराठे ,हिंदुस्थान ग्रुपचे अध्यक्ष संजय राऊत ,राजेंद्र घनवट,मधुकर अत्रे,प्रल्हाद कोकणे,सुहास गोखले,हिमानी गोखले आदींसह बँकेचे अधिकारी ,कर्मचारी,व चाकणकर नागरिक मोठ्या संखेने उपस्थित होते.पुढे बोलताना गोयल म्हणाले की,कॉसमॉस को - ऑपरेटिव्ह बँकेने इंटरनेट बँकिंग सुविधे सह सर्व प्रकारच्या सुविधा सुरु केल्या आहेत.नेट बँकिंग सुविधेच्या माध्यमातून खात्य

किमतींचा आलेख चढता   शर्यत बंदी उठल्या नंतरचे चित्र चाकण:अविनाश दुधवडे        बैलगाडा शर्यत बंदीला स्थगिती मिळाल्यानंतर चाकण मधील बैल बाजारात कमी झालेले बैलांच्या खरेदी विक्रीचे व्यवहार चांगलेच वाढू लागले आहेत.शर्यतीच्या बैलांना मिळत असलेल्या भरपूर किमतींमुळे राज्याच्या विविध भागातून येथे बैल विक्रीसाठी येत असल्याची स्थिती आहे. खास  शर्यतीच्या बैलांना येथे मागणी असल्याने विविध जातींचे बैल येथे विक्रीसाठी आणण्याचे प्रमाण वाढू लागले आहे.त्यामुळे काही भागातील शेतकरी दुष्काळी परिस्थिती मुळे चारा पाण्याच्या दुर्भिक्ष जाणवत असल्याने आपल्या शेती कामाच्या बैलांना थेट बाजाराचा रस्ता दाखवू लागले आहेत,तर काही गाडा मालक शेतकरी हौसे खातर लाखो रुपये मोजून शर्यतीचे बैल खरेदी करीत असल्याचे विपर्यस्त चित्र येथील बाजारात पहावयास मिळत आहे.   या शनिवारी येथील बाजारात विक्रीसाठी आलेल्या 360  बैलांपैकी 205 बैलांची विक्री झाली व 10 हजार रुपयांपासून 25 हजार रुपयांपर्यंत भाव मिळाले चाकण येथील या जनावरांच्या बाजारात तब्बल 1 कोटी 35 लाख रुपयांची उलाढाल झाल्याचे खेड कृषी उत्पन्न बाजार समितीचे सभापती विल

साबळेवाडी खून प्रकरणी माहिती मिळविण्यासाठी भित्ती पत्रके चाकण: साबळेवाडी (ता. खेड ) येथे आठवड्याभरापूर्वी (दि.21 एप्रिल)क्रूररित्या गळा चिरून विहिरीत फेकलेल्या महिलेची ओळख पटविण्यात अद्यापही यश न आल्याने चाकण पोलिसांनी या प्रकाराबाबत ठीकठिकाणी भित्तीपत्रके लावून काही माहिती हाती लागते का? यासाठी प्रयत्न सुरु केले आहेत. मागील आठवड्यात 50 ते 55 वर्षीय अनोळखी महिलेची गावच्या पिण्याच्या पाण्याच्या विहिरीच्या कठड्यावर धारदार शस्त्राने गळा चिरून हत्या करून मृतदेह पाण्यात फेकून दिल्याची घटना साबळेवाडीत मृतदेह पाण्यावर तरंगताना दिसून आल्या नंतर उघडकीस आली होती . क्रूर पद्धतीने गळ्याचा कंठ याच विहिरीच्या काठावर कापून मृतदेह विहिरीत फेकण्याच्या प्रकाराने साबळेवाडी भागात खळबळ उडाली होती. हा मृतदेह जवळपासच्या भागातील महिलेचा असल्याची शक्यता असून त्यादृष्टीने तपास करण्यात आला आहे. आसपासच्या पोलिस ठाण्यात या वर्णनाची महिला बेपत्ता असल्याची नोंद झाली आहे का,याचीही चौकशी करण्यात आली.साबळेवाडी व आसपासच्या गावातील लोकांना याची माहिती देऊन मृतदेहाची ओळख पटते का, या दृष्टीनेही तपास करण्यात आल्या

...तर देश राजकारण्यांनी विकला असता : समीरण वाळवेकर चाकण: लोकशाहीच्या इतर स्तंभांपेक्षा माध्यमे जनतेच्या सदासर्वकाळ बरोबर असतात. ती कोणाला बधणारी नाहीत. माध्यमांमुळे जग सजग आहे; अन्यथा आपला देश राजकारण्यांनी विकला असता, असे स्पष्ट प्रतिपादन ज्येष्ठ पत्रकार समीरण वाळवेकर यांनी चाकण ( ता. खेड) येथे केले. जनता शिक्षण संस्थेच्या चाकण येथील श्री शिवाजी विद्यामंदिर प्रशालेच्या प्रांगणात चाकण रोटरी क्लबच्यावतीने आयोजित करण्यात आलेल्या (कै) शेठ धनराजजी सांकला स्मृती व्याख्यानमालेत "प्रसारमाध्यमे स्वातंत्र्य की स्वैराचार ' या विषयावर अखेरचे पुष्प गुंफताना वाळवेकर बोलत होते. अध्यक्षस्थानी खेडचे आमदार दिलीप मोहिते पाटील होते. वाळवेकर म्हणाले, राजकारण्यांवर प्रसारमाध्यमांचा दबाव आहे. एरवी राजकारणी बोलतात एक आणि करतात एक; परंतु आत

खेड तालुक्यातील दोन खुनांतील आरोपी पोलिसांच्या जाळ्यात चाकण: कोरेगाव खुर्द (ता.खेड) आणि कुरकुंडी येथील खून केल्यानंतर फरार झालेल्या दोघांना चाकण पोलिसांच्या पथकाने आज(दि.24) आज शिताफीने अटक केली. एकाच पद्धतीने लागोपाठ झालेल्या दोन खुनांमुळे हादरलेल्या चाकण पोलिसांनी गेल्या काही दिवसांपासून हैद्राबाद,मुंबई,लोणंद, संगमनेर,शिर्डी, बालाजी, आदी ठिकाणी विशेष पथकांकडून या आरोपींचा कसून शोध सुरु होता. अखेर हे दोघे जण पोलिसांच्या जाळ्यात अडकले. आळेफाटा येथे हे दोघे वास्तव्यास असताना पोलिसांनी त्यांना जेरबंद केले आहे . संतोष मधुकर मांजरे (रा.कोरेगावखुर्द ,ता.खेड) , सागर बाळू जावळे (रा.कुरकुंडी,ता.खेड) अशी या खून प्रकरणी चाकण पोलिसांनी ताब्यात घेतलेल्या दोघांची नावे आहेत. संतोष मांजरे हा दोन खून प्रकरणात तर जावळे हा एका खून प्रकरणात पोलिसांना हवा होता. मागील महिन्यात (14 मार्च 2013)कोरेगाव खुर्द (ता.खेड) येथील विविध कार्यकारी सोसायटीचे अध्यक्ष दतात्रेय नामदेव घनवट यांचा तलवारी आणि कोयत्यांनी सपासप वार करून निर्घृण खून करण्यात आला होता. या घटनेत संतोष मांजरे व त्याचा एक साथीदार यां

स्वामी समर्थांच्या सत्य घटना येणार पडद्यावर  खेड तालुक्यातल्या युवकाचा प्रयत्न ''भिऊ नकोस.. मी तुझ्या पाठीशी आहे.'' असे अभिवचन देणाऱ्या श्री स्वामी समर्थ महाराजांच्या विविध सत्य घटनांवर सखोल प्रकाशझोत टाकणारा नवीन मराठी चित्रपट खेड तालुक्यातील एक भूमिपुत्र तयार करीत असून तालुक्यातल्या विविध गावांमध्ये याचे चित्रीकरण सुरु आहे.जेष्ठ अभिनेते कुलदीप पवार,मधु कांबीकर यांच्या सोबतीला अनेक मराठी तार तारका घेवून खेड तालुक्याच्या भूमीत चित्रित होत असलेला हा चित्रपट मराठी प्रेक्षक आणि स्वामींच्या भक्तांसाठी पर्वणी असणार आहे.  खेड तालुक्यातील शेतकरी कुटुंबातील भगवान मेदनकर हे चित्रपटाचे निर्माते आहेत.मेदनकर यांनी या चित्रपटाबाबत सांगितले की,अक्कलकोटचे स्वामी समर्थ यांच्या जीवनातील अनेक सत्य घटनांवर आधारित असलेला 'हम गया ,नही जिंदा हुं ' हा नवीन चित्रपट महाराष्ट्रातल्या प्रेक्षकांसाठी आणला जात आहे .लीनेश घाडगे यांनी या चित्रपटाचे पटकथा-संवाद लिहिले आहेत,अनेक यशस्वी चित्रपटांचे छायाचित्रण केले नाना खेडेकर यांनीच या चित्रपटाचे छायाचित्रण केले आहे.अभय कीर्ती यांनी दिग्द

खेड बाजार समितीने केले तीनशे जणांचे परवाने रद्द  शेतकरी,भाजी विक्रेते,आडते आंदोलनाच्या पवित्र्यात चाकण:    खे ड कृषी उत्त्पन्न बाजार समितीने खरेदी विक्री (विकास नियमन) नियमाचे कारण पुढे करीत तब्बल 300 जणांचे परवाने रद्द करण्याचा निर्णय घेतला असून संबंधिताना अनामत रकमांचे धनादेश परत पाठविण्यात आले आहेत .आश्चर्याची बाब म्हणजे लायसेन्स (परवाना)कमिटीचे अध्यक्ष व बाजार समितीचे संचालक बाळासाहेब गोरे यांनाही या बाबत अंधारात ठेवण्यात आले आहे.या विरोधात चाकण परिसरातील शेतकरी,गोरगरीब भाजी विक्रेते यांनी  आज(दि.15) आयोजित केलेल्या बैठकीत आंदोलनाचा पवित्रा घेतला आहे.आडत्यांनीही या अन्यायकारक निर्णया बाबत तातडीने पुनर्विचार न केल्यास शेतकरी,गोरगरीब भाजी विक्रेते यांना पाठींबा देवून बेमुदत बंदचा इशारा दिला आहे.  खेड कृषी उत्पन्न बाजार समितीने चाकण मार्केट यार्डातील भाजीपाला व कांदा बटाटा विभागातील एकूण 300 गोरगरीब शेतकरी ,भाजी विक्रेते यांना  परवाने नुतनीकरण करण्यास नकार देत त्यांचे परवाने रद्द केले आहेत.या बाबत चाकण मार्केट यार्डात आयोजित करण्यात आलेल्या बैठकीत सर्वानीच संताप व्यक्त केला.

अविनाश दुधवडे ,चाकण ९९२२४५७४७५ 

आधार नोंदणीसाठी चाकणला चार मशीन  चाकण:वार्ताहर   ना गरिकांकडून होऊ लागलेली जोरदार मागणी व वर्तमानपत्रांमधून वारंवार चव्हाट्यावर आलेल्या चाकण परिसरातील रखडलेल्या आधार नोंदणीच्या वृत्तांमुळे अखेर चाकण मध्ये चार मशीन उपलब्ध करून देण्यात आल्या आहेत.चाकण मधील जिल्हा परिषद प्रशालेत(मराठी शाळा) आधार नोंदणीचा हा दुसरा अध्याय सुरु झाला असून आधार नोंदणी न झालेल्या नागरिकांनी ही आधार नोंदणी करून घ्यावी असे आवाहन प्रशासनाकडून करण्यात आले आहे .   मागील वर्षी जानेवारी महिन्यामध्ये  बंद करण्यात आलेली आधार कार्ड  नोंदणी बंद झाल्या पासून  चाकण परिसरात पुन्हा सुरू करण्यात आलेली नव्हती . वर्षभराच्या खंडा नंतर मागील काही दिवसांपूर्वी चाकण मधील कोहिनूर सेंटर येथे महा ई सेवा केंद्रात सुरु करण्यात आलेले खाजगी आधार कार्ड केंद्र एका महिन्यातच बंद करण्यात आली होती. आधार कार्ड नागरिकांना विविध योजनांसाठी गरजेचे ठरत आहे.आधार कार्ड मिळालेल्या नागरिकांची अल्प संख्या पाहता शासनाने ही सेवा पुन्हा लवकरात लवकर सुरू करण्याची मागणी वारंवार करण्यात येत होती. शालेय, महाविद्यालयीन विद्यार्थ्यांनाही आता आधारची सक्

चाकणला व्यापाऱ्यांचा पुन्हा कडकडीत बंद चाकण: एलबीटी लागू करण्याबाबत सरकार ठाम असल्याने आणि व्यापार्‍यांच्या आंदोलनाबाबत सरकार दाखवत असलेल्या अनास्थेमुळे व्यापारी संघटनांनी आज (दि. 22) पासून पुकारलेल्या दोन दिवसांच्या बंदला चाकण भागातील व्यापाऱ्यांनी पाठींबा देत कडकडीत बंद पाळून व शहरातून मूक मोर्चा काढून हा पाठींबा व्यक्त केला . उद्या (मंगळवार) पासून मात्र चाकण मधील सर्व व्यवहार सुरुळीत ठेवण्यात येणार असल्याचे विविध व्यापारी संघटनांच्या प्रतिनिधींनी सांगितले. चाकण मध्ये गेल्या चार दिवसांपासून रिक्षामधून ध्वनिक्षेपकावरून या बंदचे आवाहन करण्यात येत होते . चाकण मधील किराणा,बिल्डींग मटेरियल, हॉटेल, आदी सर्वच व्यापारी संघटना या बंद मध्ये सहभागी झाल्या होत्या . महानगर पालिका क्षेत्रात एलबीटी यशस्वी झाल्यानंतर ग्रामीण भागात ,ग्रामपंचायत क्षेत्रात एलबीटी लागू होणार असल्याचे व्यापारी संघटनेचे प्रतिनिधी संदिप परदेशी , अशोक सांकला, ईश्वर कर्नावट ,आदींनी यावेळी सांगितले. व्यापाऱ्यांना व नागरिकांना "बंद'मध्ये सहभागी होण्याचे आवाहन चार दिवसांपासून करण्यात आले होते .चाकण मधील किराणा

दोरखंडांचा परंपरागत व्यवसाय धोक्यात मातंग समाजाचे पारंपारिक व्यवसाय धोक्यात केरसुणी,दोरखंड,वाजंत्री व्यवसायाला घरघर चाकण: ना यलॉन व सुताच्या दोरखंडाच्या वाढत्या मागणीमुळे वाखापासून दोरखंड तयार करण्याचा मातंग समाजाचा परंपरागत व्यवसाय धोक्यात आला आहे. अनेक पारंपरिक लघुउद्योग धंद्यांपैकी ग्रामीण भागात चालणारा परंपरागत दोरखंड व्यवसाय आजच्या स्पर्धेच्या युगात आणि खुल्या अर्थव्यवस्थेला सामोरे जाताना जवळ जवळ बंद पडला आहे.औद्योगिकीकरणाने मातंग समाजाचा दोरखंड, शेतीची अवजारे व परंपरेचे गावगाडय़ाचे व्यवसाय संपुष्टात आले आहेत. वर्षभर शेतकर्‍यांना वाखापासून दोरखंड तयार करून पुरवायचे व त्याच्यावरच वर्षभराचे आर्थिक नियोजन करायचे असा या समाज बांधवांचा प्रयत्न गेल्या काही काळात प्लास्टीक व सुताच्या दोरखंडाच्या वाढत्या मागणीमुळे वाखापासून दोरखंड तयार करण्याचा मातंग समाजाचा परंपरागत व्यवसाय बंद पडण्याच्या मार्गावर असल्यामुळे या समाजावर संकट ओढवले आहे. चाकण भागात या व्यवसायात सुरुवाती पासून असलेले बळवंत(अप्पा) खुडे यांनी या बाबत सांगितले की,पारंपारिक दोरखंड ,चऱ्हाट यांना गेल्या काही वर्षात मा

महिलेचा खून करून मृतदेह विहिरीत फेकला खेड तालुक्यातील साबळेवाडी येथील घटना चाकण:अविनाश दुधवडे साबळेवाडी (ता. खेड ) येथे अंदाजे 50 ते 55 वर्षीय अनोळखी महिलेची गावच्या पिण्याच्या पाण्याच्या विहिरीच्या कठड्यावर धारदार शस्त्राने गळा चिरून हत्या करून मृतदेह पाण्यात फेकून दिल्याची घटना उघडकीस आली आहे. आज(दि.21) सकाळी दहा वाजता मृतदेह पाण्यावर तरंगताना दिसून आला. या आणखी एका धक्कादायक खून प्रकरणाने खळबळ उडाली आहे. हा मृतदेह जवळपासच्या भागातील महिलेचा असल्याची शक्यता असून त्यादृष्टीने तपास सुरू करण्यात आला आहे. याबाबत चाकण पोलिसांनी दिलेल्या माहिती नुसार या घटनेची माहिती साबळेवाडी येथील सुरेश हरिभाऊ शेटे यांनी चाकण पोलिसांना दिली. चाकण पोलिसांनी घटनास्थळी जावून पाहणी केली असता या अनोळखी महिलेचा महिलेचा मृतदेह गळा चिरलेल्या अवस्थेत विहिरीच्या पाण्यात तरंगताना आढळून आला. या विहिरीच्या कठड्या पासून खाली ओघळत गेलेल्या रक्ताच्या डागांमुळे खून येथेच करण्यात आल्याचे स्पष्ट होत असून मृतदेहाची विल्हेवाट लावण्यासाठी याच विहिरीत फेकल्याचा संशय पोलिसांनी व्यक्‍त केला आहे . या घटनेची माहिती मिळताच

कडकडीत उन्हाळ्यात बंधारे तुडुंब चाकण:   दु ष्काळात होरपळणार्‍या सोलापूरकरांना मुंबई हायकोर्टाने दिलेल्या आदेशानुसार खेड तालुक्यातील भामा-आसखेड आणि मावळातील आंद्रा धरणांमधून उजनी धरणात पाणी सोडण्यात येत असून ,दुष्काळात होरळपणार्‍या सोलापूरच्या जनतेला पाणी मिळावे यासाठी भामा आसखेड धरणातून नदीपात्रात 1 हजार क्यूसेक्स वेगाने पाणी विसर्ग सुरु असून या पाण्यामुळे नदीवरील सर्व बंधारे कडकडीत उन्हाळ्यात तुडुंब भरले आहेत.  ऐन उन्हाळ्यात नदीपात्रात सोडण्यात आलेल्या पाण्यामुळे खेड बरोबरच शिरुर व दौंड तालुक्यासह या नदीकडेच्या सर्व गावांना फायदा होत आहे.आसखेड धरणातून भामा नदीच्या पात्रात वेगवान पाणी विर्सग सुरु आहे.एरवी उन्हाळात कोरडा दिसणारा चाकण च्या पाणी पुरवठ्याचा वाकी बंधारा या वर्षी मात्र तुडुंब भरलेला पहावयास मिळत आहे. त्याच प्रमाणे ठीकठिकाणचे नदीपात्रातील बंधारे पाण्यामुळे भरले आहे.या पाण्याचा उन्हाळी बाजरी, ऊस व तरकारी पिकांना फायदा करून घेण्याचा शेतकऱ्यांचा प्रयत्न आहे . नदीकडेच्या विहिरीतील पाणी पातळी वाढण्यासही यामुळे मदत झाली असून जनावरांसाठी चारा तसेच पिण्याच्या पाण्याचा प्रश्न

वेगवान वाहत्या पाण्यात पोहणे धोक्याची घंटा 22 तासांनी मिळाला भामा नदीत बुडालेल्या युवकाचा मृतदेह बुडून होणारे अपघात वाढताहेत चाकण: भा मा नदीमध्ये पोहण्यासाठी गेलेला गोविंद अशोक पुनवटकर हा 21 वर्षांचा युवक वाकी बुद्रुक (ता.खेड) हद्दीत बंधाऱ्याजवळ सोमवारी(दि.15) दुपारी चार वाजनेचे सुमारास बुडाला . त्याचा मृतदेह आज (दि.16) दुपारी दोनचे सुमारास म्हणजे तब्बल बावीस तासांनी एनडीआरएफच्या जवानांना मिळाला . उन्हाळ्यात पोहण्यासाठी गेल्यानंतर होणारे हे अपघात आणि भामा-आसखेड धरणांतून उजनी धरणात सोडण्यात येत असलेले एक हजारा क्‍युसेक प्रतिसेकंद इतके वेगवान पाणी यंदाच्या उन्हाळ्यात पोहणाऱ्या मंडळींसाठी धोक्याची घंटा आहे. मुंबई हायकोर्टाच्या आदेशानंतर पुणे जिल्ह्याती

सत्ताधारी आणि विरोधकांचे गळ्यात गळे अविनाश दुधवडे :    खे ड तालुक्यात विविध विकास प्रकल्प येत आहेत ,भामा आसखेडच्या पाण्यावर शेती फुलविण्याचे आश्वासन देवून हेच पाणी पुण्यासह अन्यत्र पळविण्याचा घाट घातला जात आहे,विमानतळाच्या हालचालींनी वेग घेतला आहे,गुन्हेगारीने सामान्य नागरिकांना भयभीत केले आहे,विकासाचा विचार दाखवून सामन्य माणूस नागविला जात आहे,जमिनी लाटल्या जात आहे,किमान सुविधांपासून नागरिक वंचित आहेत,अशी परिस्थिती खेड तालुक्यात असली  तरी खुद्द सामान्य  माणूस ,शेतकरी यांनाच पुढे येवून या व्यवस्थेशी दोन हात करण्याची वेळ आली आहे.कारण आहे विरोधी पक्षाचा खेड तालुक्यात क्षीण झालेला(केलेला) आवाज .   विरोधकांना निरनिराळ्या अडचणीच्या कामात योग्य ती मदत करून सत्ताधारी मंडळीनी गप्प केले आहे ,असा सामान्य जनतेचा पक्का समाज झाला आहे.खेड पंचायत समितीच्या निवडणुकांनंतर कोणत्या पक्षाच्या सहकार्याने पंचायत समितीवर राष्ट्रावादीचा झेंडा लागला आणि त्या बदल्यात त्यांना काय मिळाले हे साऱ्या तालुक्याने पहिले आहे.अशा अनेक घटना गावोगावी घडत आहेत.आमदार गट आणि आणि त्यांचे काही विरोधक वेगवेगळ्या संस्थांमध

वन विभागाच्या हद्दीतली झाडे वाळली चाकण: पाण्याअभावी चाकण आळंदी रस्त्यावरील वनविभागाच्या हद्दीतील सर्वच झाडे वाळून गेली आहेत. या तील काही झाडे आता किटकांनी पोखरण्यास सुरुवात केली आहे. वाळून गेलेल्या झाडांमध्ये जंगली झाडांसोबतच लिंब, वड, पिंपळ आदी बहुउपयोगी झाडांचाही  समावेश आहे. सर्वच झाडे निष्पर्ण झाल्याने यंदाच्या उन्हाळ्याची दाहकता अधोरेखित होत आहे. खेड तालुक्यातील काही गावांमध्ये दुष्काळामुळे प्यायला पाणी नाही, जनावरांना चारा नाही अशी बिकट अवस्था झाली आहे. कमी झालेला पाऊस ,दुष्काळाची तीव्रता आणि आणि यंदाचा असह्य उन्हाळा याचे दर्शन यंदा आतापासूनच या वनविभागाच्या हद्दीत पहावयास मिळत आहे.  येथील वनविभागाच्या हद्दीतील डोंगरकपारीतील झाडांना सतत लागत असलेल्या वणव्यांमुळे डोंगर काळेकुट्ट व भकास होत असल्याचे सर्वश्रुत आहेच. येथील विविध प्रकारच्या झाडांचे व वृक्षांचे अज्ञातांनी लावलेल्या आगीत मोठ्या प्रमाणावर नुकसान होऊन पर्यावरणाची व निसर्गसंपदेची हानी झाल्याचे प्रकार अनेकदा उघडकीस आले आहेत. या कडे वनविभागानेही सोईस्कर दुर्लक्ष केल्याचा नागरिकांचा आरोप आहे. त्यातच आता यंदाचा  कम

आपला पुणे जिल्हा (पुणे तिथे काय उणे) श निवार वाडा,पुणे पुणे जिल्ह्याचे मुख्य ठिकाण : पुणे पुणे जिल्ह्यातील तालुके : चौदा पुणे जिल्ह्याचे क्षेत्रफळ : १५,६४३ चौ.कि.मी. पुणे जिल्ह्याची लोकसंख्या : ५५,३२,५३२ हे पुणे ! शिवरायांनी याच पुण्यात बालपणी संस्करांचे व पराक्रमी धडे गिरविले. पेशवाईमध्ये याच पुण्याचे राजधानीचे स्थान भूषविले. पेशव्यांचे कर्तृत्वही फुलविले याच पुण्याने. असे हे पुणे ! लोकमान्य टिळकांची ही कर्मभूमी. थोर समाजसुधारक जोतिबा फुल्यांच्या समाजपरिवर्तनाच्या कार्यास सुरुवातही येथूनच झाली. या कार्याला प्रेरणाही या पुण्यातच मिळाली आणि…. विरोधही येथेच झाला. समाजपरिवर्तन, सुधारणेच्या कार्यात सर्वस्व झोकून देणाऱ्या अनेक समाजसुधारकांचे कर्तृत्व याच पुण्याने फुलविले. याच पुण्यातील सनातन्यांनी आगरकारांच्या हयातीतच त्यांची प्रेतयात्रा काढण्याचा करंटेपणाही दाखविला. असे हे पुणे ! टिळक व आगरकर असे दोन भिन्न विचार-प्रवाह येथेच निर्माण होतात; कधी हातात हात घालून आपली वाटचाल करतात तर कधी कायमच्याच दोन समांतर रेषा बनतात. गोपाळ हरी देशमुख (लोकहितवादी), महात्मा जोतिबा फुले, यां

पीडब्लूडीची जागा भाजी विक्रेत्यांना मिळणार ? खेड बाजार समिती व चाकण ग्रामपंचायत नोटीस प्रकरण चाकण:वार्ताहर चाकण ग्रामपंचायत आणि पोलीस प्रशासनान यांनी चाकण मार्केट यार्ड समोरील सार्वजनिक बांधकाम विभागाच्या  मागील मोकळ्या जागेत बसण्यास या भाजी विक्रेत्यांनी सुरुवात करावी असे सांगितले होते,मात्र सार्वजनिक बांधकाम विभागाने कांदा उतरविण्यासाठी तात्पुरती परवानगी दिलेल्या बाजार समितीला आणि चाकण ग्रामपंचायतीला नोटीस काढून अतिक्रमणे करू नये अन्यथा कायदेशीर कारवाई करण्यात येईल असा इशारा दिला असला तरी ही जागा भाजी विक्रेत्यांना मिळेल अशी आशा अद्यापही या पदाधिकाऱ्यांना आहे.  चाकण पोलीस व ग्रामपंचायत प्रशासनाकडून भाजी विक्रेत्यांवर अतिक्रमण कारवाई होते. चाकण ग्रामपंचायतीने चाकण च्या पोलीस अधिकाऱ्यांनी या भाजी विक्रेत्यांना सार्वजनिक बांधकाम विभागाच्या  मागील मोकळ्या जागेत बसण्यासाठी सूचना केल्या होत्या. मात्र तेथे खुद्द सार्वजनिक बांधकाम विभागानेच नोटिशी काढून हरकत घेतल्याने व कारवाईचा इशारा दिल्याने भाजी विक्रेत्यांचा प्रश्न पुन्हा टांगणीला लागला असला तरी या बाबत चाकण चे सरपंच काळूराम गो

चौदा वर्षांच्या अल्पवयीन आदिवासी मुलीवर चाळीशीतल्या नराधमाचा बलात्कार पिडीत मुलगी गरीदार राहिल्याने घटना उघडकीस शेलपिंपळगाव येथील प्रकार चाकण:  चौदा वर्षांच्या अल्पवयीन आदिवासी ठाकर समाजातील मुलीवर चाळीस वर्षाच्या नराधमाने जीवे ठार मारण्याची धमकी देत दोनदा पाशवी बलात्कार केल्याचा धक्कादायक प्रकार शेलपिंपळगाव (ता. खेड) येथे घडला. ही अल्पवयीन मुलगी गरोदर राहिल्याने हा घृणास्पद प्रकार उघडकीस आला आह्व. पीडीत मुलीच्या फिर्यादीवरून बाबाजी दादाभाऊ कुलूस (वय 40,रा.शेलपिंपळगाव ता. खेड) यास पोलिसांनी अटक करून आज(दि.10)न्यायालयात हजर केले असता न्यायालयाने आरोपी कुलूस यास दहा दिवस पोलीस कोठडीत ठेवण्याचे आदेश दिले आहेत.    या बाबतचे वृत्त असे की,पिडीत अल्पवयीन मुलीचे वडील व नराधम बाबाजी कुलूस हे मित्र होते.मासेमारीच्या व्यवसायाच्या निमित्ताने  कुलूस याचे त्यांच्या घरी येणे-जाणे होते. मागील वर्षी (2012) दिवाळी सणाच्या दरम्यान घरात कोणीही नसल्याचा फायदा घेत कुलूस याने पिडीत अल्पवयीन मुलीला जीवे ठार मारण्याची धमकी देत त्याच्यावर पाशवी बलात्कार केला. ही घटना संबंधित मुलीने आपल्या आईला सांगितली

महात्मा फुले जयंती उत्साहात साजरी चाकण:  आद्य समाजक्रांतीकारक महात्मा जोतीराव फुले यांची जयंती आज (दि.11) चाकण शहरात सर्वत्र उत्साहात साजरी झाली. अनेक स्वयंसेवी संस्था, संघटनांनी यानिमित्त सामाजिक उपक्रमांचे आयोजन केले होते.चाकणचे सरपंच काळूराम गोरे,माजी उपसरपंच अशोक बिरदवडे  यांनी मार्केट यार्ड येथील महात्मा फुले यांच्या अर्धपुतळ्यास पुष्पहार अर्पण करून अभिवादन केले.यावेळी दतात्रेय फुलवरे ,सुनील शेवकरी,आदींसह विविध सामाजिक संघटनांचे प्रतिनिधी आदी उपस्थित होते.चाकण ग्रामपंचायती मध्ये महात्मा फुले यांच्या प्रतिमेस अभिवादन करण्यात आले .यावेळी ग्रामविकास अधिकारी दयानंद कोळी,उपसरपंच साजिद सिकीलकर,अधीक्षक विजय भोंडवे आदींसह ग्रामपंचायत कर्मचारी मोठ्या संखेने उपस्थित होते.महात्मा फुले चौक येथे महात्मा फुले मित्र मंडळाच्या वतीने जिल्हा परिषदेचे माजी उपाध्यक्ष व जिल्हा परिषद सदस्य सुरेश गोरे यांच्या हस्ते फुलेंच्या प्रतिमेस पुष्पहार अर्पण करण्यात आला.येथील सांस्कृतिक भवनात महात्मा फुले यांच्या प्रतिमेस अभिवादन करण्यात आले यावेळी भारतीय बौद्ध महासभेचे तालुकाध्यक्ष लक्ष्मण दुधवडे(गुरुजी)

चाकणमध्ये बोगस संमती पत्रे दाखवून लाटला रस्ता   पुणे जिल्हा पोलीस दलातील पोलीस निरीक्षकाच्या पत्नीचा समावेश बिंग फुटले ;मात्र अद्याप कारवाई नाही चाकण:  स्थानिक शेतकऱ्यांच्या तक्रारींमुळे खुद्द ग्रामीण पोलीस दलात कार्यरत असणाऱ्या अधिकाऱ्याचे चाकण परिसरातील 66 गुंठे जमिनीची बनावट कागदपत्रे तयार करून तिचा एफएसआय शेजारील बांधकामासाठी वापरल्याचे बिंग फुटले असले तरी पोलीस प्रशासनाकडून सावध पावले टाकण्याची भूमिका घेतली जात असून या प्रकरणी अद्याप स्थानिक पोलिसांनी कुठलीही माहिती नाही असे सांगत कानावर हात ठेवले आहेत.  चाकण परिसरातील शिल्पा येणजे ,छाया नगरे,कविता लंजीले ,प्रमोद लढे यांनी खंडू पानसरे यांची जमीन गट क्रमांक 1153 शेजारील 1154 व  1155 या गट क्रमांकाच्या जमिनी 2007-2008 मध्ये खरेदी केल्या होत्या.डॉ. चारुदत्त जोशी व कविता लंजीले यांनी पाच वर्षांपूर्वी ही जमीन खेड च्या प्रांत कार्यालयात अकृषिक परवानगी साठी अर्ज दाखल केला होता. नगर रचना विभागाकडे या बाबतची रस्त्याची कागदपत्रे सादर करताना लगतच्या शेतकऱ्यांची बोगस संमती पत्रे दाखल करण्यात आली होती असा खडू दगडू पानसरे यांच्यासह आ

उन्हाळ्याच्या चाहुलीने माठ बाजारात दाखल चाहूल उन्हाळ्याची चाकण: यंदा फेबु्रवारीमधील उन्हाळ्याची चाहूल लागण्यास सुरूवात झाली आहे. यावर्षी पावसाचे प्रमाण कमी असल्याने दुष्काळी परिस्थिती आहे. त्यामुळे उन्हाळा हा लवकर जाणवायला लागला आहे  . त्यामुळे कडाक्याच्या उन्हात थंड पाण्याने दिलासा देणारे मातीचे माठ बाजारात विक्रीसाठी दाखल होत आहेत.विविध आकारांच्या या माठांना मोठी मागणी असल्याने यंदा त्यांच्या किंमतीत 5 ते 10 टक्क्यांनी वाढ झाली आहे.   या भागात माठाची दुकाने रस्त्यावर ठिकठिकाणी थाटलेली दिसत आहेत. शहराच्या विविध भागासह पुणे नाशिक रस्त्यावर आंबेठाण चौकासह ठीक ठिकाणी रस्त्याच्या कडेला माठ विक्रेत्यांनी माठ विक्रीस ठेवले आहेत.गरीबांचा फ्रीज अशी ओळख असलेल्या,या माठांची विक्री करण्यासाठी राजस्थान, मध्यप्रदेशासह विविध राज्यांतील व्यवसायिक शहरात दाखल झाले आहेत. बाजारातील राजस्थानी व्यवसायिकांचे लाल रंगांचे माठ सर्वांचे लक्ष वेधुन घेत आहेत. या माठांवर करण्यात आलेल्या बारीक नक्षीकामामुळे ते ग्राहकांसाठी आकर्षण ठरत आहेत. महागाईच्या काळात आता माठाच्या किंमतीतही मोठी वाढ झाली आहे. मागील वर्