चाकण टाईम्स

कुणी पाणी देता का पाणी ;चाकणकरांचा आक्रोश ---------------------- औद्योगीकारणाने प्रचंड विस्तारत्या चाकण शहरातील नागरिकांना एखाद्या दुष्काळी खेड्या प्रमाणे पाण्यासाठी वनवन करावी लागत आहे.गेल्या तीन दिवसांपासून येथील नळांना पाण्याचा एक थेंबही न आल्याने अनेकांची आज (दि.28)घरात पिण्यासाठीही पाणी शिक्कल न राहिल्याने मोठी तारांबळ झाली. गेल्या काही वर्षांपासुन चाकण चा पाण्याचा दिवसेंदिवस गंभीर बनत चाललेला पाणी प्रश्न तूसभरही कमी झालेला नाही. चाकण ग्राम पंचायतीने या पाणी पुरवठ्याच्या समस्येवर उपाय योजना करण्यासाठी काही भागात दिवसाआड पाणी पुरवठ्याचा उपाय योजला असला तरी नागरिकांना पाणीच मिळत नसल्याने नागरिकांच्या रोषाचा सामना ग्रामपंचायतीला करावा लागत आहे.ग्रामपंचायतीच्या पदाधिकाऱ्यांनी दिवसाआड पाणी पुरवठा होत असल्याने दोन वेगवेगळ्या जलवाहिन्यावरून आपल्या स्वतः साठी नळजोड घेतले असून सामन्यांच्या तुलनेत त्यांना पाणी टंचाईच्या झळा कमी किंवा अजिबातच बसत नसल्याने नागरिकांच्या संयमाचा पारा आणखीच चढत असल्याची स्थिती येथे पहावयास मिळत आहे. पिण्याच्या पाण्यासाठी वारंवार भटकण्याची वेळ चाकणकरांवर येत आह

आजा मेरी गाडी मे बैठ जा.... आजा मेरी गाडी मे बैठ जा.... सभापती पदांसाठी चुरस -------------------- येथील पंचायत समितीच्या सभापती उपसभापतींची निवड पंधरवड्यानंतर मार्चमध्ये होणार असली तरी तीत आतापासून राजकीय रंग भरण्यास सुरवात झाल्याने, सत्ताधारी राष्ट्रवादी आणि विरोधात कॉंग्रेस सेना भाजपा हे विरोधक यांच्यात मध्ये काटे की टक्कर होणार असल्याने सावधगिरी म्हणून या राजकीय पक्षांनी आपापल्या काही सदस्यांना लपवाछपवीसाठी प्रयत्न सुरू केले आहे. खास मर्जीतील वगळता अन्य सदस्यांना पळवापळवीचेही प्रयत्न सुरू झाले असून तोडफोडीच्या राजकारणालाही वेग आला आहे.आपला झेंडा पंचायत समितीवर फडकवा यासाठी कुंपणावरील मंडळींना 'आजा मेरी गाडी मे बैठ जा' ...अशा ऑफर्स सुरु आहेत. एक अपक्ष आणि भाजपच्या एका उमेदवाराची भूमिका राष्ट्रवादीसाठी निर्णायक ठरणार असल्याचे त्यांच्या पदाधिकाऱ्यांकडून सांगितले जात आहे.राष्ट्रवादी कडे निम्मे संख्या बळ असले तरी काहींची तोंडे वेगळ्या दिशेला आहेत.तर आमदार मोहिते यांच्या विरोधानंतरही निवडून आलेल्या त्यांच्याच पक्षाच्या एका महिला पंचायत समिती सदस्याची भूमिकाही निर्णायक ठरणार असल्

------------- मार्चपर्यंत थंडीचा कडाका राहण्याचा हवामान विभागाने वर्तविलेला अंदाज फोल जाण्याची शक्यता असून चाकण भागात फेब्रुवारी महिन्यातच उन्हाचा पारा वाढला आहे. गेल्या काही दिवसांपासून एका एका अंश सेल्सिअसने तापमानाची नोंद वाढतच असल्याच्या तक्रारी नागरिकांकडून होत आहेत. तर रात्रीचे विशेषतः पहाटेचे किमान तापमानकमी रहात आहे.यावर्षी पावसाने सरासरी गाठली तरी पावसात सातत्य नसल्यामुळे पिकांना त्याचा फायदा झाला नाही. पावसाळा संपल्यानंतर नोव्हेंबरपर्यंत थंडीचा पत्ताच नव्हता. मात्र, नोव्हेंबरच्या अखेरीस सर्वत्र थंडीची लाट आली. थंडीने अनेकांना बेजारही केले होते. त्यामुळे मार्चपर्यंत थंडीची लाट राहण्याची शक्‍यता हवामान विभागाने वर्तवली होती. मात्र, हवामान विभागाचा अंदाज खोटा ठरवत प्रत्यक्षात फेब्रुवारी संपायला आठवडा शिल्लक असतानाच उन्हाने होरपळून काढण्यास सुरवात केली आहे. ................................ अविनाश दुधवडे,चाकण ९९२२४५७४७५

पोलिस अधिक्षकांपुढे पोलीस निरीक्षकांवर अंकुश ठेवण्याचे आव्हान विभागातही सावळागोंधळ -------- वरिष्ठ पदाच्या अधिकाऱ्यांमुळे गुन्हेगारीवर अंकुश बसणार, की गुन्हेगारी लोकांना पोलिस मित्राचा दर्जा देऊन सर्वसामान्यांवर अंकुश ठेवणार, याबाबत पुणे जिल्ह्यातील औद्योगिक भागातील पोलिस ठाण्याच्या हद्दीतील गावामध्ये उलटसुलट चर्चा गेल्या काही काळापासून सुरू असल्याचे चित्र पहावयास मिळत आहे . पोलिस ठाण्याच्या हद्दीतील गुन्ह्यांच्या संख्येत दिवसेंदिवस वाढच होत आहे. कनिष्ठ दर्जाच्या अधिकाऱ्यांना यावर नियंत्रण ठेवणे शक्‍य न झाल्याने बहुतांश पोलिस ठाण्याला निरीक्षक दर्जाचे अधिकारी मिळाले आहेत. पण त्यांच्यासमोर अनेक आव्हाने आहेत. सहकारी कर्मचाऱ्यांनी परिसरातील अवैध धंदेवाल्यांना दिलेला कारभारीचा दर्जा थोपविणे. अवैध व्यावसायिकांची पोलिस ठाण्यातील वर्दळ सर्वप्रथम थांबली पाहिजे. औद्योगिक वसाहतीमधील अनेक कारखान्यांतून स्क्रॅप, कास्टिंगची चोरी होते. पण चोरी करणारे पोलिस मित्रांनाच चोरीचा माल विकत असल्याने कारखानदाराची तक्रारच नाकारली जाते. त्यातूनही तक्रार द्यायचीच ठरवले, तर संशयित चोरांची नावे तुम्हीच सुचवा

वाहतूक कोंडी ही नित्याचीच बाब झाली आहे . नागरिक संताप व्यक्त करत असले तरी संबंधितांना मात्र या समस्येकडे गांभीर्याने पाहण्याची गरज वाटत नाही. वाहतूक कोंडी ही फक्त या भागातील महामार्गावरच नव्हे तर शहरातील अंतर्गत रस्त्यावरीलही समस्या आहे .ही समस्या दुचाकी स्वार ,पादचारी यांच्या सह चारचाकी वाहनचालकांना भेडसावत आहेत. शहरातील या वाहतूक कोंडीची समस्या कशी सोडवायची याबाबत कुणीच विचार करत नसल्याने आलीया भोगाशी अशीच नागरिकांची अवस्था झाली आहे. वाहनांची वाढलेली संख्या, रिक्षा व सिक्स सिटर रिक्षांची वाढलेली वर्दळ, वाहतूक पोलिसांचे दुर्लक्ष, बेशिस्त वाहनचालक अशा विविध कारणांमुळे होणार्या वाहतूक कोंडीचा त्रास सर्वांनाच सहन करावा लागत आहे. येथील विविध शहरात आज वाहतूक कोंडी ही नित्याचीच बाब झाली आहे. रोज मरे त्याला कोण रडे असे बोलून कदाचित पोलीस सुध्दा आता वाहतूक कोंडीकडे दुर्लक्ष करत असावेत कारण कुणीच या समस्येकडे गांभीर्याने पाहण्यास तयार नाही. भर गर्दीत थांबणार्या सहा आसनी रिक्षा, बेशिस्तपणे उभी करण्यात आलेली वाहने विविध बँकेच्या समोर थांबणारी वाहने याकडे वाहतूक पोलिसांनी जर लक्ष दिले तर वाहतूक

''मुले म्हणजे देवाघरची फुले'' या उक्तीला लाजिरवाणी, न साजेशी अपकृत्ये जेव्हा भोवतालच्या समाजात घडून येताना आढळतात तेव्हा मुलांचे बालपण त्यांच्यापासून हिरावून घेणार्‍या, त्यांना कुस्करणार्‍या कुप्रवृत्तींचा राग आल्यावाचून राहवत नाही. परंतु कौटुंबिक किंवा सामाजिक पातळीवर हे विषय उघडपणे मांडणे हेही अनेकदा निषिध्द मानले जाते. अतिशय गंभीर अशा ह्या विषयावर घरात किंवा घराबाहेरही चर्चाविचार करण्यास लोक अनुत्सुक दिसतात. ''माझा काय संबंध?'' ह्या प्रवृत्तीपासून ते ''असले विषय दूर राहिलेलेच बरे'' इथपर्यंत असलेली सामाजिक उदासीनता कायदा व सुव्यवस्थेला आणि समाजाला घातकच ठरते. मात्र त्यामुळे वस्तुस्थिती लपत वा बदलत नाही तर अधिकच बिकट होत जाते. प्रस्तुत लेखात बालकांच्या सुरक्षेच्या फक्त एका पैलूविषयी माहिती संकलन केले असून ह्या विषयावर सर्व समाजात अधिक मंथन करण्याची व जागृती निर्माण होण्याची गरज आहे. आंतरजालावर देखील बातमीपत्रांखेरीज अथवा सरकारी/ सेवाभावी संस्थांखेरीज मराठीतून ह्या विषयावर क्वचितच माहिती आढळते. लहान मुले ही समाजाचा दुर्बल घटक मानली जातात

* मोक्याच्या जमिनीबाबत कमालीची अनिश्चितता *सरकारी कर्मचाऱ्यांचा दलालीचा "साइड बिझनेस' *जमिनी परस्पर विकल्या जात आहेत *जमिनींचे निर्णय आर्थिक व राजकीय नफेखोरीभोवती केंद्रित *प्रशासन म्हणते 'ऑल इज वेल'... --------------------------- चाकण सह खेड तालुक्‍यात विस्तारती औद्योगिक वसाहत ,प्रस्तावित आंतरराष्ट्रीय विमानतळ ,विविध विकास प्रकल्प यामुळे जमिनींना सोन्याचा भाव आला असून मोक्याच्या जमिनी मिळविण्यासाठी गुंतवणूकदार, विकसक,भू माफिया धनाच्या कितीही राशी ओतण्यास तयार होत आहेत. जमिनींच्या व्यवहारातून अमाप पैसा मिळत असल्याने अनेक जन जमिनीच्या दलालीच्या धंद्यात घुसले असून या क्षेत्राशि संबंधित अधिकारी वर्ग ही या मोहा पासून दूर राहू शकला नाही .मोक्याच्या जमिनीबाबत याभागात कमालीची अनिश्चितता निर्माण झाली असून हे व्यवहार याभागात कमालीचे जोखमीचे झाले आहेत. मागील 2011 या वर्षात चाकण मध्ये जमिनींशी संबंधित करोडो रुपये बाजार मूल्य असलेल्या जमिनींचे 12 ठकबाजीचे तर 4 फसवणुकीचे प्रमुख मोठे गुन्हे दाखल झाले आहेत,यावरून जमीन व्यवहारातील गोलमाल अधोरेखित होत आहे. पुणे पिंपरी चिंचवड शहरा

आजच्या इंटरनेट युगात टपाल विभागही "मल्टिपर्पज' होण्याच्या मार्गावर आहे. टपाल विभाग "ई' सुविधेवर जोर देऊन ग्राहकांना नवीन योजना व सुविधा उपलब्ध करून देत आहे. याचाच अर्थ टपाल विभागाने "ई-मेल', "कुरिअर'च्या जगात आपली विश्‍वासार्हता कायम ठेवलीआहे. ग्राहकांना चांगली सुविधा मिळावी यासाठी नेहमी प्रयत्नशील राहून नवनवीन योजना राबविण्यात येत असतात. यामुळे चाकण सारख्या औद्योगिक दृष्ट्या विस्तारत्या भागामध्ये ग्राहकांना खासगी कुरिअर सेवेपेक्षा चांगली सुविधा देऊन आपला ग्राहकवर्ग टिकविला आहे. * टपाल विभागाचा अस्तित्वासाठी संघर्ष : आज इंटरनेट, ई-मेल तसेच खासगी कुरिअर कंपन्यांमध्ये स्पर्धा सुरू आहे. स्पर्धेत टिकण्यासाठी टपाल विभागाचा अस्तित्वासाठी संघर्ष सुरू असला, तरी खासगी कंपन्यांपेक्षाही अधिक चांगली सुविधा देऊन स्पर्धा करण्यात येत आहे. यात टपाल विभागाने नवीन योजना सुरू करून विजेसह दूरध्वनी बिल भरणा करण्यासाठी "ई-पेमेंट' सुविधा; त्याचप्रमाणे किसान विकासपत्र, नॅशनल सेव्हिंग सर्टिफिकेट, रिकरिंग डिपॉझीट अशा काही सुविधा सुरू केल्या आहेत. ग्राहकांची विश्‍वासा

पत्नीची उमेदवारी पती दारोदारी चाकण: नवीन आरक्षणाने महिलांना मोठ्या प्रमाणावर संधी मिळाली असली तरी काही प्रवर्गातील महिला उमेदवार शोधण्यासाठी सर्वांनाच पाळता भुई थोडी झाली होती. बऱ्याच जागा महिलांसाठी राखीव ठरल्यानंतर या भागात खुल्या व अन्य प्रवर्गातील महिला उमेदवार ही मोठ्या प्रमाणावर पुढे सरसावल्या .चाकण लगतच्या नाणेकर वाडी ,कुरुळी ,मरकळ या पंचायत समिती गणात महिला उमेदवारांचीही संख्या वाढल्याने पत्नीला अधिकृत उमेदवारी मिळविण्यासाठी पतीराजांना दारोदारी हिंडावे लागत असल्याचे दृश्य पहावयास मिळत आहे.अर्थात काही प्रवर्गातील आरक्षणामुळे महिला उमेदवार शोधणे सुद्धा सर्वच राजकीय पक्षांसाठी चिंतेची बाब ठरल्याचे सर्वश्रुत आहेच . राष्ट्रवादी मध्ये पंचायत समिती साठी एका जागेवर 2 किंवा 3 महिला दावेदार आहेत. महिला आरक्षित जागेवर पत्नीची उमेदवारी असल्याने पतीराजांना अधीकृत उमेदवारी मिळविण्यासाठी नेत्यांच्या दारोदारी हिंडावे लागत आहे. .............................अविनाश दुधवडे ,चाकण

निवडणुकांची लगीन घाई एकदा एका गावात .. मोठी लगीन घाई झाली पायताणं नाही कुणाच्या .. पायामध्ये राहिली । फेटे आणि मुंडाशी .. डोईवर चढली बिलवर , पाटल्या संगे .. नथ ही झुलली..... याच कविते प्रमाणे सगळीकडे जिल्हा परिषद व पंचायत समिती निवडणुकांची लगीन घाई पहावयास मिळत असून आपलीच उमेदवारी निश्चित होईल या अविर्भावात इच्छुक उमेदवार अंग झटकून कामाला लागले आहेत.राष्ट्रवादी वगळता या भागात बहुतेक पक्षांच्या उमेदवारांची निश्चिती झाल्याचे मानण्यात येत असून मी सांगेन त्यांनीच निवडणुका लढवायच्या असा सज्जड दमच दादांनी भरल्याने राष्ट्रवादीच्या कडव्या इच्छुकांनी दादा नामाचा जोरदार जप सुरु केला आहे.हाताच्या बोटावर मोजण्या इतपत दिवसांत प्रचाराची धुळवड खेळायची असल्याने गट,गणातील उमेदवारी तातडीने निश्चित करताना विविध राजकीय पक्षांची तर मतदारांपर्यंत पोचताना उमेदवारांची पाळता भूई थोडी होणार आहे. जिल्हा परिषद व पंचायत समिती निवडणूक लढवू इच्छिणाऱ्यांना उमेदवारांकरिता अवघ्या पंचवीस दिवसांत गट, गणाची निवड, पक्षाची अधिकृत उमेदवारी, अर्ज दाखल व प्रतिस्पर्ध्यांच्या माघारीच्या प्रयत्नापासून अवघ्या सात दिवसां

शेतकऱ्यांचा आणि सामान्यांचा कांदा करतोय वांधा , व्यापारी आणि दलालांचा मात्र होतोय चांगला धंदा , नगदी पिक कांदा शेतकऱ्यांसाठी कधी रुपया बंधा निर्यात बंदी लादल्यानंतर फासावर चढून मागावा लागतो खांदा.... अविनाश दुधवडे ,चाकण

फोफावत्या गुन्हेगारीचा प्रश्न सामाजिक स्वास्थ्याच्या पथ्यावर *गुन्हेगारांना गचांड्या देणार कोण? *अनेक जन तडीपारीच्या रडारवर -------------- चाकण सह खेड तालुक्यातील व जिल्ह्याच्या औद्योगिक पट्ट्यातील गुन्हेगारी जगताचा इतिहास गेल्या काही काळापासून रक्तरंजित झाला आहे. हे मागील काही घटनांमुळे आता लपून राहिले नाही . आता ह्या फोफावत्या गुन्हेगारीचा प्रश्न सामाजिक स्वास्थ्याच्या पथ्यावर पडत असल्याचे नागरिक उघड पणे बोलू लागले आहेत . काही गुन्हेगारी टोळ्यांचे वर्चस्व औद्योगिक भागात पूर्वी पासून आहे. या टोळ्यांत राजकारण्याच्या चेल्यां चपट्या पासून मध्यम व कनिष्ट वर्गातील तरुणांचे प्रमाण वाढत आहे. नाक्यानाक्यावर उभा राहणारा तरूण त्यात शि़क्षीत वा अशिक्षीत दोन्हीवर त्या गुन्हेगारी टोळ्यांचा प्रभाव मोठ्या प्रमाणात दिसून येत आहे . हा या टोळीचा तो ह्या टोळीचा .तो कंपनी टच आहे या चर्चा सर्वत्र होत आहे . काहीवाट चुकलेले तरूण योगयोगाने म्हणा वा भाई बनण्याच्या इर्षेने,परिस्थितीमुळे, बेरोजगारी, झटपट पैसा मिळविण्याच्या नादात गुन्हेगारी क्षेत्रा कडे आकर्षित होत आहेत ,स्वताचे वेगळे अस्तित्व निर्माण करण

फिरांगोजीने लेकराप्रमाणे मेहेनतीने राखला, सजविलेला चाकणचा संग्रामदुर्ग पोरकाच *साडे तीनशे वर्षा पासून संवर्धन व जतनाच्या प्रतीक्षेत *चाकणच्या संग्रामाचा साक्षीदार दुर्लक्षित ---------------- चाकण पुण्यापासून 20 मैलावर वसलेले चाकण पूर्वीचे खेडेगाव तर सध्याचे वाहन उद्योगाने प्रचंड विस्तारते शहर. चाकण मध्ये दोन्ही पैकी कुठल्याही वेशीतून प्रवेश केल्या नंतर अवघ्या काही अंतरावर जुन्या पुणे नाशिक रस्त्यावरून चालत आल्यास भग्नावस्थेतील तट बंदी दिसू लागते. ऐतिहासिक महत्त्व असलेल्या चाकण गावात संग्राम दुर्ग किल्ल्याचा कोट फक्त शिल्लक राहिला आहे. इतिहासाची पाने डोळयासमोर फडफडविनारा चाकण चा भुईकोट संग्रामदुर्ग किल्ला आणखी काही वर्षांनी येथे होता असे सांगण्याची वेळ येणार हे निश्चित आहे या किल्ल्याची सध्याची स्थिती पाहिल्यास येथे काही वर्षांनंतर किल्ला होता तरी का हे तपासण्याची गरज पडणार आहे . अशी चाकणच्या संग्रामदुर्गाची स्थिती आहे. 21जून 1660 रोजी या किल्ल्याला मुघलांचा वेढा पडला.आणि त्या नंतर 55 दिवसांनी मोगलांच्या प्रचंड सैन्याने कपटाने हा किल्ला काबीज केला.मोगलांच्या ताब्यात गेल्या नंतर सुरु झले

कायदा व सुव्यवस्था कायम राखण्याचे पोलिसांपुढे आव्हान *राज्याच्या काही भागात स्थिती गंभीर * पोलिसांच्या निष्पक्षपाती भूमिकेबाबत शंका --------- एखादी कामगिरी फत्ते केली की पोलिसांनी सुटकेचा निःश्‍वास सोडावा, अशी परिस्थिती सद्य कुठेही राहिली नाही . कारण एखादा तपास लावला ,टोळी पोलिसांनी जेरबंद केली तरी त्या नंतर नव्या घटना समोर येतात .सध्या स्थानिक स्वराज्य संस्थांची रणधुमाळी सुरू आहे. बदलती राजकीय स्थिती आणि मतदारसंघाचीही बदलती भौगोलिक परिस्थिती लक्षात घेता, या वेळची निवडणूकही वेगळी ठरणार आहे. त्यामुळे या काळात आणि नंतरही कायदा व सुव्यवस्था कायम राखण्याचे आव्हान पोलिसांपुढे आहे. निर्भय वातावरणात पोलिसांनी निवडणुका पार पाडण्यासाठी प्रयत्न करावेत अशी अपेक्षा असताना काही भागात मात्र धक्कादायक स्थिती पहावयास मिळत आहे. निवडणुकांदरम्यान पोलिसांच्या निष्पक्षपाती भूमिके विषयी नागरिकांमध्ये उलट सुलट चर्चा सुरु असल्याने ,काही ठराविक राजकीय सलगी ठेवणाऱ्या पोलिसांना आपल्या भावनांना मुरड घालीत निःपक्षपाती भूमिका घ्यावी लागणार आहे. कोणत्याही राजकीय पक्षाकडून किंवा कार्यकर्त्याकडून आपला वापर केला जाणार

शेतावरच्या मानवीवस्त्यांनाच हिंस्र प्राण्याचा धोका विविध घटनेने हिंस्र वन्य प्राण्यांचा विषय ऐरणीवर स्वसंरक्षण प्रशिक्षण लोकांना देण्याची गरज चाकण: अविनाश दुधवडे अतिगजबजाटाच्या चाकण पासून जवळचा भाग असणाऱ्या भोसे( ता.खेड)गावामध्ये हिंस्र वन्य प्राण्याच्या हल्ल्यात आदिवासी ठाकर समाजातील शेतमजूर संतोष ज्ञानोबा जाधव (वय 30 वर्षे )ठार झाला.या घटनी पूर्वी याभागातील शेतकऱ्यांच्या काही शेळ्या मेंढ्याही वन्य प्राण्यांनी फस्त केल्या होत्या.त्यामुळे हा वन्य प्राणी म्हणजे बिबट्याच असावा असा नागरिकांचा कयास असला तरी वन विभागाने यास दुजोरा दिला नाही.मात्र दोन वर्षांपूर्वी याभागातील रस्त्यावर बलदंड बिबट्या मृतावस्थेत आढळून आला होता. त्यामुळे बिबट्याचा वावर असण्याच्या शक्यतेला पुष्टी मिळत आहे.भोसे गावातील घटने मुळे शेतावरच्या मानवीवस्त्यांना हिंस्र प्राण्यांनी आपले मुख्य लक्ष्य बनविले असल्याचे पुन्हा एकदा स्पष्ट झाले आहे.त्यामुळे वन विभागाची हद्द ओलांडून मानवी वस्ती कडे धावणाऱ्या बिबट्या अथवा कुठलाही हिंस्र वन्यप्राणी मानवी वस्तीत आल्यावर त्याला कसा जेरबंद करायचा,स्वसंरक्षण कसे करायचे याचे प्रशिक्ष

कांद्याच्या कवडीमोल भावाने शेतकरी धास्तावला * नेमका बेबनाव काय ? चाकण:अविनाश दुधवडे 'भय इथले संपत नाही'असे म्हणण्याची वेळ कांदा उत्पादक शेतकऱ्यांवर आली आली आहे.प्रत्येक वर्षी या हंगामात कांद्याच्या झुलत्या बाजारभावाने उत्पादक शेतकऱ्यांच्या उरत धडकी भरत आहे. यंदाही कांद्याच्या भावात झालेल्या घसरणीमुळे शेतकर्‍याचा उत्पादन खर्च भागणे अवघड झाले असून, आधीच अडचणीत सापडलेल्या शेतकर्‍याच्या डोळ्यातून कांद्याने पाणी काढण्याचा सिलसिला सुरूच ठेवला आहे. चाकण लगतच्या भागासह परिसरात या वर्षी कांद्याची लागवड मोठय़ा प्रमाणात करण्यात आली असून, सध्या कांदा काढणीचे काम जोरात सुरू आहे. बाजारपेठेत 300 ते 450 रुपये कांद्याला भाव असला तरी काही शेतकर्‍यांना मात्र अवघा 200 ते 300 रुपये प्रती क्विंटल असा भाव हातात पडत आहे. या मिळणार्‍या भावातून कांद्याचा उत्पादन खर्चसुध्दा वसूल होत नसल्याने शेतकरी मेटाकुटीला आला आहे. एकीकडे विजेच्या भारनियमनामुळे शेतकरी आधीच कर्जबाजारी झाला आहे. विजेअभावी पाणी भरता येत नसल्याने अनेक शेतकर्‍यांनी महागडे डिझेल इंजीन खरेदी करून त्या द्वारे पाणी भरून कांद्याचे पीक ज

*सतत च्या अनिश्चिततेने कांद्याचे क्षेत्र भविष्यात घटण्याची शक्यता *अद्यापही जुना कांदा बाजारातून हटलेला नाही *कांदा निर्यातमूल्य 150 डॉलरवर आणावे अशी मागणी --------------- मागील सप्ताहापासून सर्वच बाजारपेठेतील कांद्याचे भाव कोसळले असून, हे भाव जवळजवळ 400 रुपयांच्या सर्वसाधारण पातळीत खाली आले आहेत. केलेला खर्चही भरून निघत नसल्याने उत्पादकांच्या डोळ्यात कांद्याने पाणी आणले आहे. सतत च्या या अनिश्चितते मुळे या भागातील कांदा उत्पादनात अग्रेसर असणारा मोठा कांदा उत्पादक शेतकरी वर्ग आगामी काळात कांदा लागवडी बाबतच गांभीर्याने विचार करीत असल्याने कांद्याचे क्षेत्र घटण्याची शक्यता निर्माण झाली असून शासनाने आता तरी डोळ्यावर कातडे ओढण्याची भूमिका सोडली पाहिजे अशी अपेक्षा व्यक्त केली जात आहे. 'लाखा शिवाय बात नाही ,अन् वडापाव शिवाय खात नाही 'अशी अवस्था याभागातील कांदा उत्पादक शेतकऱ्यांची झाली आहे.कांद्याच्या लागवडी नंतर बाजार भावाचे गणित मनोमन जुळवीत, लाखांचे आकडे जुळवीनाऱ्या शेतकऱ्यांच्या हातात प्रत्यक्षात उत्पादन खर्चही येत नसल्याची स्थिती अनेकदा निर्माण झाली आहे.शेतकऱ्यांनीही आयत्या वेळी

चाकण विमानतळ चाकण (अविनाश दुधवडे) : येथील आंतरराष्ट्रीय विमानतळाचे मार्केटिंग बांधकाम व्यावसायिकांच्या पथ्यावर पडले. आंतरराष्ट्रीय विमानतळ झाल्यास भविष्यकाळात चाकण, मोशी आणि भोसरी परिसराला महत्त्व येईल, या आशेवर लोकांनी चाकण, मोशी, भोसरी भागांत भूखंड आणि सदनिका खरेदी केल्या आहेत. मात्र, आता विमानतळाचा प्रकल्प अन्यत्र स्थलांतरित करण्याच्या हालचालीं ना वेग आला आहे. चाकण, मोशी पिंपरी-चिंचवड शहरापासून दूरचा भाग समजला जायचा. अविकसनशील भाग असल्याने या भागातील गृहप्रकल्पांमध्ये सदनिका घेण्यास ग्राहक धजावत नव्हते. निगडी, रावेत, रहाटणी, वाकड, चिखली या गावठाण भागाच्या तुलनेत भोसरी, मोशी या भागाचा विकास धिम्यागतीने झाला. शहराच्या मध्यवर्ती भागातील सदनिकांचे दर वाढले. भूखंड मिळणे तर

चाकण एमआयडीसी मध्ये मार्गची स्थापना चाकण: अविनाश दुधवडे चाकण एमआयडीसी मध्ये भीषण आग,वायू गळतीने होणाऱ्या संभाव्य दुर्घटना व औद्योगिक क्षेत्राशी संबंधित कारखान्यांतील आणि बाहेरील अपघातांच्या आपत्कालीन स्थितीत म्युच्युअल एड रिस्पॉन्स ग्रुप अर्थात मार्ग हि संस्था मदतीला धावणार असून या संस्थेची स्थापना महाराष्ट्र राज्य सुरक्षा व आरोग्य विभागाचे पुणे विभागाचे सहायक संचालक ए.बी.पवार यांच्या मार्गदर्शनाखाली चाकण एमआयडीसीमध्ये करण्यात आली आहे. चाकण इंडस्ट्रीज असोशिएशन चे सदस्य असणाऱ्या कारखान्यांनी मार्ग या संस्थेत सहभाग घेतला असून सुमारे 15 लहान मोठ्या कंपन्यांचे अधिकारी या संस्थेवर प्रतिनिधीत्व करणार असून चाकण मधील सर्व कारखानदार या संस्थेचे सभासद असणार आहेत असे चाकण इंडस्ट्रीज असोशिएशन चे सचिव दिलीप बटवाल यांनी सांगितले. चाकण एमआयडीसी मध्ये यासाठी नुकत्याच आयोजित करण्यात आलेल्या बैठकीमध्ये अशा संस्थेची स्थापना करण्याचा निर्णय घेण्यात आला. चाकण मधील कारखान्यांमध्ये असणाऱ्या घातक केमिकल्सची माहिती प्रथम संकलित करण्यात येणार असून त्यानंतर एक सुविधा पुस्तिका (ग्रीन बुक) प्रकाशित करण्यात येणार आ

सुरेश गोरेच चाकणचे बाजीगर *गोरेंचा वारू कुणीही रोखू शकले नाही *कुरुळी-मरकळ मध्ये राष्ट्रवादीची सरशी चाकण-( अविनाश दुधवडे ) नाणेकरवाडी जिल्हा परिषद गटात राष्ट्रवादीचे उमेदवार सुरेश गोरे यांनी सात हजाराहून अधिक मताधिक्क्याने विजय मिळविल्याने खूप मोठ्या संखेने गोरे यांच्या विरोधात एकत्र झालेल्या सर्वपक्षीय नेत्यांना चपराक बसली आहे.विरोधी पक्षांसह स्वपक्षिय जिल्हास्तरीय नेत्यांनी आणि दस्तूर खुद्द तालुक्याच्या लोकप्रतिनिधींनी सर्व शक्ती पणाला लावल्याची चर्चा होऊनही गोरेंनी एकहाती संपादन केलेल्या विजया मुळे या बालेकिल्ल्यात गोरेंचा वारू कुणीही रोखू शकले नसल्याची बाब स्पष्ट झाली आहे. गोरे यांच्या दणदणीत विजयाने आमदार मोहिते गटाला जबरदस्त धक्का बसला आहे. राष्ट्रवादीचे सुरेश गोरे यांना 14 हजार 791 मते मिळाली तर त्यांचे प्रतिस्पर्धी कॉंग्रेसचे उमेदवार कालिदास वाडेकर यांना 7हजार 660 मते मिळाली. गोरे यांना तब्बल 7 हजार 131 एवढे मताधिक्य मिळाले. अधिकृत पक्षाच्या उमेद्वारार्यांच्या वाटपा पासूनच खुद्द उपमुख्यमंत्री अजित पवार यांच्या हस्तक्षेपामुळे चाकण नाणेकरवाडी जिल्हा परिषद गटाकडे संपूर्ण तालुक्यास