खेड आळंदी मधून शिवसेनेचे सुरेश गोरे विजयी
खेड आळंदी मधून शिवसेनेचे सुरेश गोरे विजयी
राष्ट्रवादीच्या दिलीप मोहितेंचा पराभव
चाकण:
गेल्या पंधरवड्यात प्रचाराने थकलेले कार्यकर्ते, गेल्या दोन दिवसांपासून त्यांची ताणलेली उत्सुकता, कोण विजय होणार ? कोण पडणार ? याने रंगलेल्या चर्चेची जागा आज (दि.१९) जल्लोषाने घेतली. साडेआठ वाजले पासून उमेदवारांची निर्णायक आघाडी बाहेर समजू लागली आणि मतमोजणी केंद्राबरोबरच गावागावांत गुलालाची उधळण, फटाक्यांच्या आतषबाजीबरोबरच कार्यकर्त्यांच्या जल्लोषाला एकच उधाण आले. सायंकाळी उशिरापर्यंत ग्रामीण भाग वाद्यवृंदाच्या दणदणाटात जागा राहिला. खेड-आळंदी विधानसभा मतदार संघात शिवसेनेचे उमेदवार सुरेशभाऊ गोरे विजयी झाल्याने मिरवणुकांनी अनेक गावांनी अभूतपूर्व जल्लोष अनुभवला. शिवसेनेचे सुरेश गोरे यांना १ लाख ३ हजार २०७ मते मिळाली तर राष्ट्रवादीचे दिलीप मोहिते यांना ७० हजार ४८९ मते मिळाली भाजपचे शरद बुट्टे यांना अवघी १६ हजार ५०५ मते मिळाली. माझा विजय हा तालुक्यातील सामान्य कार्यकर्त्यांचा विजय असल्याची प्रतिक्रिया गोरे यांनी यावेळी दिली.
------------------------------
अविनाश दुधवडे,चाकण 9922457475
टिप्पण्या
टिप्पणी पोस्ट करा