गर्भवती बौद्ध विवाहितेवर बलात्कार; दोघांवर गुन्हा

गर्भवती बौद्ध विवाहितेवर बलात्कार; दोघांवर गुन्हा 

गर्भपात झाल्याने प्रकार उघडकीस 

चाकण: ( अविनाश दुधवडे ) 

एकोणीस वर्षीय बौद्ध गरोदर विवाहितेवर पाशवी बलात्कार केल्याचा धक्कादायक घृणास्पद प्रकार संबंधित विवाहितेचा गर्भपात झाल्याने उघडकीस आला असून  याप्रकरणी आज (दि. 23) चाकण पोलिसांनी दोघांवर गुन्हा दाखल केला आहे. संबंधित पिडीत विवाहितेवर पिंपरी येथील यशवंतराव चव्हाण रुग्णालयात उपचार सुरु आहेत.

 या प्रकरणी किशोर मधुकर जाधव (रा.वाकी खुर्द ,ता.खेड,जि .पुणे ) या नराधामासह  त्याला या दुष्कृत्यात मदत करणाऱ्या पूजा शिवाजी जाधव या दोघांवर गुन्हा दाखल करण्यात आला आहे. या बाबत पोलिसांनी दिलेल्या माहिती नुसार मुळची हवेली तालुक्यातील असलेली संबंधित विवाहिता सध्या वाकी खुर्द (ता. खेड ) येथे आपल्या पतीसह राहण्यास आहे . तिचा पती चाकण येथील औद्योगिक वसाहतीत व्होक्स वेगन या बहुराष्ट्रीय कंपनीत  नोकरीत आहे. काही दिवसांपूर्वी संबंधित

विवाहिता भाजीपाला खरेदी करण्यासाठी चाकण येथील बाजारात आली असताना पूजा जाधव हिने तिला फसवून चाकण मधील एका लॉज वर नेले . लॉज वर गेल्या नंतर आधीच खोलीत असणाऱ्या किशोर जाधव च्या स्वाधीन या विवाहितेस केले .त्यानंतर नराधम किशोर ने या मागासवर्गीय बौद्ध गर्भवती विवाहितेवर अतिप्रसंग केला. व या बाबत कुणालाही 

काहीही सांगितल्यास तुझ्यासह पतीला आणि दिराला जीवे ठार मारण्याची धमकी दिली. भेदरलेल्या गर्भवती विवाहितेने या बाबत कुणालाही काहीही सांगितले नाही.मात्र या दुष्कृत्यानंतर या गर्भवती विवाहितेला काही दिवसांपासून त्रास होऊ लागल्याने तिला पिंपरी येथील यशवंतराव चव्हाण रुग्णालयात उपचारांसाठी दाखल करण्यात आले मात्र तिचा गर्भपात झाल्याने ही धक्कादायक घटना उघडकीस आली आहे. पोलिसांनी नराधम किशोर यास ताब्यात घेतले असून पुढील तपास पोलीस निरीक्षक 

सुशील कदम, उपनिरीक्षक कुमार कदम यांच्या मार्गदर्शनाखाली चाकण पोलीस करीत आहेत . 

दरम्यान दिल्लीतील गँगरेपच्या घटनेनंतर सर्वत्र संताप उसळला असतानाच चाकण परिसरात उघडकीस आलेल्या या घटनेने खळबळ उडाली आहे .

या घटनेतील बलात्काऱ्या विरोधात कडक कारवाई करावी, अशी मागणी खेड तालुका कॉंग्रेस कमिटीचे अध्यक्ष विजय डोळस ,खेड तालुका भारतीय बौद्ध महासभेचे अध्यक्ष लक्ष्मण दुधवडे , आरपीआय चे संतोष जाधव , बबनराव जाधव, अशोक गोतारणे यांनी केली आहे.