मद्यधुंद टेम्पो चालकाने युवकास चिरडले
मद्यधुंद टेम्पो चालकाने युवकास चिरडले
चाकण शिक्रापूर रस्त्यावरील प्रकार
चाकण :
दारूच्या नशेत भरधाव टेम्पो वाहन चालविणाऱ्या तर्राट चालकाने रस्त्यालगत उभ्या असलेल्या बावीस वर्षीय युवकाचा बळी घेतल्याची घटना चाकण-शिक्रापूर या राज्यमार्गावर चाकण जवळ कडाचीवाडी येथे (ता.खेड,जि.पुणे ) आज सव्वानऊ वाजता घडली . हा अपघात इतका हृदयद्रावक होता कि संबंधित युवकाच्या शरीराचे छिन्नविछिन्न अवयव रस्त्यावर पडले होते . आज (दि.२३) या प्रकरणी चाकण पोलिसांनी गुन्हा दाखल केला आहे.
अनिल ज्ञानदेव शेळके (वय २२ , मूळ रा. शिरवून ता.कारंजात जि,वाशीम ) असे या अपघातात ठार झालेल्या युवकाचे नाव आहे. मद्यधुंद वाहन चालक शिवाजी बापूराव बनकर ( रा.जाफराबाद जि.जालना) याच्यावर या प्रकरणी चाकण पोलिसांनी गुन्हा दाखल केला असून त्याला ताब्यात घेण्यात आले आहे. या बाबत चाकण पोलिसांनी दिलेल्या माहिती नुसार संबंधित वाहन चालकाने मद्यधुंद अवस्थेत शिक्रापूर बाजूकडून चाकण बाजूकडे बेफाम वेगाने येत असताना कडाचीवाडी येथे रस्त्यालगत उभ्या असलेल्या अनिल शेळके याला जबरदस्त ठोस मारली गंभीर जखमी झालेला अनिल जागीच गतप्राण झाला . या बाबत अधिक तपास चाकण पोलीस करीत आहेत. दरम्यान पावसाळ्यात सर्वच रस्त्यांवरील विशेषतः चाकण शिक्रापूर रस्त्यावरील वाढत्या अपघातांच्या भीषण घटना चाकण भागात मोठा चिंतेचा विषय झाला आहे. माणसाचे मरण स्वस्त असल्याचे .सांगणाऱ्या या घटना भविष्यातील आणखी धोक्यांची नांदी मानल्या जात आहेत.
------------------------
अविनाश दुधवडे,चाकण ९९२२४५७४७५
टिप्पण्या
टिप्पणी पोस्ट करा