चाकण टाईम्स

......अन् माया डोळस चा इनकाउंटर झाला 16 नोव्हेंबर 1991 ला अंधेरीतील लोखंडवाला कॉम्प्लेक्सच्या परिसरात अचानक पोलिसांच्या गाड्या घोंघावू लागल्या. काही साध्या गाड्यांमधूनही युनिफॉर्ममधल्या आणि साध्या वेषातल्या मंडळींचा वावर अनपेक्षितपणे वाढल्याचं पाहून रहिवासी काहीसे गांगरूनच गेले. त्यातच राज्य राखीव दलाचे पोलिस कमांडो यांना पाहून तर 'कुछ तो बडा लफडा है', अशी चर्चा बारिक आवाजात सुरू झाली. लोखंडवाला माकेर्ट आणि स्वामी समर्थ चौक म्हणून ओळखल्या जाणाऱ्या भागात या प्रकारची टेहळणी कशासाठी चालली आहे, हे कोणालाच कळेना. या धनिकांच्या वस्तीला या साऱ्याची कधीच सवय नसल्याने अनेक जणांनी फ्लॅटचे दरवाजे बंद केले. जे घराबाहेर होते, त्यांनी फोन करून घरातच बसून राहण्याच्या, आतून दार बंद करण्याच्या सूचना दिल्या. दुकानंही पटापट बंद होऊ लागली. एरवी संध्याकाळी इथलं माकेर्ट फुलून गेलेलं असतं. गाड्या अन्यत्र थांबवून पोलिस अधिकारी, शिपाई, कमांडोज वेगवेगळ्या मार्गाने एका बिल्डिंगच्या दिशेनं चालू लागले. अतिशय सावधपणे. त्या बिल्डिंगचं नाव 'स्वाती'. आजही ती बिल्डिंग आहे. आत शिरताच त्यांना एक जीप आणि ए

'माझ्या मामाची रंगीत गाडी हो.. तिला खिल्लाऱ्या बैलांची जोडी हो.. कशी दौडत दौडत येई हो.. मला आजोळी घेऊन जाई हो'... गावा कडच्या यात्रा जत्रांमध्ये सर्वाधिक आकर्षण असणाऱ्या बैलगाडा शर्यतींची आठवण करून देणारी ही कविता नोकरी व्यवसाया निमित्त शहरांमध्ये वास्तव्यास असणाऱ्या मंडळींना गावाकडची ओढ लावत असली तरी यंदा मात्र गावाकडच्या यात्रांमध्ये भिर्र.. झाली उचल की टाक ..हा नेहमीचा घाटातील सूर कानी पडणार नसल्याची स्थिती निर्माण झाली आहे. बैलगाडा शर्यत बंदीबाबत न्यायालयाच्या आदेशाचे उल्लंघन करू नये असा फतवा पोलीस प्रशासनाने काढला असल्याने याभागातील बहुतांश गावातील यात्रा कमिट्यांनी बैलगाडा शर्यती रद्द केल्या आहेत. सुमारे 100 मीटर लांबीची 10 मीटर रुंदीची चढण म्हणजे घाट त्या लगत बसलेले शर्यत शौकीन.. घाटाच्या सुरुवातीच्या टोकाला बांधलेला चौथरा त्यावर दाटीवाटीनं उभे सगळे गावचे कारभारी, मानकरी .. लाऊडस्पीकरची गर्जना.. वाजंत्र्यांचा कडकडाट .. कारभारी, बलगाडय़ावाले शेतकरी, बल, गाडा सगळेच भंडार, गुलालानं माखलेलं. एका वेगळ्याच उन्मादानं बेधुंद झालेला परिसर. फुरफुरणारी , तरणीबांड ख

...म्हणूनच डाऊची भारतातूनही पळण्याची झाली मानसिकता ------------------------ स्थानिकांच्या प्रचंड कडवट विरोधा बरोबरच सुप्रीम कोर्टाने भोपाळ वायू दुर्घटना ही फाईल पुन्हा खोलण्याचा आदेश दिल्यानेच बहुराष्ट्रीय कंपनी डाऊ केमिकलने चाकण एमआयडीसी तील प्रकल्पासाठी घेतलेली जमीन शासनाला परत करून चक्क भारतातीलही आपला सर्व कारभार गुंडाळण्याची मानसिकता केली असल्याचे सांगण्यात येत आहे. उच्च न्यायालयाच्या या निर्णया नंतर डाऊ ने शोध व विकास केंद्रासाठी (आर एन डी ) म्हणून चाकणच्या औद्योगिक क्षेत्रा मधील घेतलेली जमीन परत केली आहे. त्यांनी या बाबत महाराष्ट्र औद्योगिक विकास महामंडळाला (एमआयडीसी) सुरुवातीला एक पत्र पाठविल्याचे सांगितले जात होते . चाकणमध्ये जागतिक दर्जाच्या ऑटोमोबाइल क्षेत्रातील असंख्य कंपन्या आल्या असल्यानेच डाऊ केमिकल येथे शोध व विकास केंद्र स्थापन करणार होती . असे त्यात नमूद केले होते. स्थानिकांचा कडवा विरोध हे डाऊ च्या चाकण भागातील पलायनाचे कारण असले तरी भारतातून पळ काढण्या मागे सुप्रीम कोर्टाने भोपाळ वायू दुर्घटना ही केस पुन्हा खोलण्याचा दिलेला आदेश हे डाऊ च्या संपूर्ण भारतातू

नगरपालिकेच्या ना हरकतीला जिल्हा परिषदेने घेतली तीन वर्षे चाकण ,राजगुरुनगर नगरपालिका --------------------------------------- चाकण ग्रामपंचायतींचे नगरपालिकेत रूपांतर करण्यास पुणे जिल्हा परिषदेच्या सर्वसाधारण सभेने मंगळवारी अखेर मंजुरी दिली.यासाठी जिल्हा परिषदेने तब्बल तीन वर्षाहून अधिक कालावधी घेतला .येथील वाढत्या लोकसंखेच्या पार्श्वभूमीवर किमान नागरी सुविधांची वानवा झाल्याचे चित्र येथे निर्माण झाले होते . चाकण ग्रामपंचायतीच्या पदाधिकाऱ्यांसह येथील युवक कॉंग्रेसच्या कार्यकर्त्यांनी यासाठी मुख्यमंत्र्यांपासून ग्रामविकास मंत्रालय ,जिल्हाधिकारी ,जिल्हा परिषद , यांच्या कडे सातत्याने पाठपुरावा केला होता. येथील खेड तालुका युवक कॉंग्रेसचे युवा कार्यकर्ते निलेश कड पाटील यांनी यासाठी युवकांच्या मदतीने चाकण आणि राजगुरुनगर येथे नगरपालिका अस्तित्वात येण्यासाठी गेल्या दोन वर्षां पासून पाठपुरावा केला होता. निलेश कड पाटील यांनी याबाबत सांगितले की,जिल्ह्यातील नवीन नगरपालिकांच्या मागणीचा प्रस्ताव राज्य सरकारकडे पाठविण्यासाठी संबंधित तालुक्‍याच्या पंचायत समितीची आणि जिल्हा परिषदेच्या सर्वसाधारण सभेची शि

कारखानदारीमुळे टेकड्यांचे अस्तित्वच धोक्‍यात चाकण मध्ये टेकड्यांची सफाई मोहीम ----------------------------------------- औद्योगिक वसाहत असणाऱ्या चाकण लगतच्या भागातील जमिनींना सोन्याचा भाव आल्याने टेकड्यांची राजरोस "सफाई' मोहीम सुरू आहे. तीस ते पन्नास फूट खोलीपर्यंत या टेकड्या खोदून निघणाऱ्या मुरूम, दगडांची विक्रीही होत आहे .आणि डोंगर ,टेकड्या यावरील मोठ मोठे दगड कातळ खिळखिळे करून जमीन दोस्त करून टेकडय़ा फोडून पाडण्यात येणाऱ्या भूखंडा मुळे टेकड्यांचे अस्तित्वच धोक्‍यात आले आहे. चाकण च्या पश्चिमेकडे टेकड्या, डोंगर यांच्या रांगा आहेत. येथील टेकड्या आणि डोंगरांना इतिहास आहे.मात्र काही उद्योजक ,विकसक,बिल्डर मंडळींनी या डोंगरांना साफ करून या भागाच्या सपाटीकरणाचा विडाच उचलला आहे. कारखान्यांच्या लगतच्या भागात असलेल्या टेकड्यांची सध्या जोरात "सफाई' मोहीम सुरू आहे.या टेकड्या खोदताना जवळपास वीस ते तीस फुटांपर्यंत खोल नेण्यात येत आहेत. त्यामुळे जेसीबी यंत्राद्वारे उकरलेल्या या मुरुमाचा सगळे नियम धाब्यावर बसवून अन्य बांधकामाच्या भरावासाठी राजरोस उपयोग केला जातो. कितीतरी टेकड्या

*सत्तेसाठी बहुमत नसताना सौदेबाजी करणे हा लोकशाहीत सरळ-सरळ व्याभिचार *खेड पंचायत समिती मध्ये राष्ट्रवादीला साथ दिल्याचा आरोप *चाकण मधील बैठकीत सेना भाजपा पदाधिकाऱ्यांची मागणी --------------------------------- सत्ताधारी म्हणून एक न्याय व सत्ता नाही त्याला दुसरा न्याय. यामुळे या निवडणुकांच्या माध्यमातून खेड तालुक्यात पोलीस आणि महसूल प्रशासनावरील सामान्यांचा विश्वास उडून चालला आहे. या निवडणुकीत या प्रशासनाची सत्ताधाऱ्यांना कशी सर्वतोपरी मदत झाली याची इत्यंभूत माहिती शिवसेना भाजपा च्या कार्यकर्त्यांनी चाकण मध्ये पत्रकार परिषदेत दिली.व पक्षाच्या उमेदवाराविरोधात आर्थिक व्यवहार करून मतदान करणाऱ्या खेड पंचायत समिती सदस्य आणि भाजपाचे तालुकाध्यक्ष अमृत शेवकरी यांचा निषेध करीत आणि तीव्र संताप व्यक्त करीत त्यांची पक्षातून हकालपट्टी करण्याची मागणी केली. यावेळी शिवसेनेचे माजी उपजिल्हाप्रमुख अशोक खांडेभराड ,विद्यार्थी सेनेचे जिल्हा प्रमुख रामदास धनवटे ,भाजपा युवा मोर्चाचे जिल्हाध्यक्ष संदीप सोमवंशी ,युवा मोर्चाचे तालुकाध्यक्ष सुनील उबाळे,रामदास जाधव,रामहरी आवटे,व पदाधिकारी उपस्थित होते.या बाबत र

पदाधिकाऱ्यांच्या उपोषणाने वीज वितरणला धक्का तीन तासात उपोषण मागे *वेगळ्या फिडर वरून आणखी एक वीज जोड देणार *एक्सप्रेस फिडर साठी वितरण कंपनी करणार प्रयत्न -------------------------------------------------------------- वारंवार खंडीत होणाऱ्या वीज पुरवठ्या मुळे चाकण च्या पाणी पुरवठा योजनेवर परिणाम होऊन विस्कळीत पाणी पुरवठ्याची समस्या गंभीर झाल्याने ग्रामपंचायत पदाधिकाऱ्यांनी व ग्रामस्थांनी आज (दि.9) सुरु केलेल्या आमरण उपोषणाचा धसका घेतलेल्या वीज वितरणच्या अधिकाऱ्यांनी चाकण च्या पाणी पुरवठा योजनेला आंबेठाण फिडर वरून आणखी एक वीज जोड देण्याचे आणि एक्सप्रेस फिडरचे कनेक्शन साठी वरिष्ठ कार्यालयात अहवाल पाठविण्याचे ठोस आश्वासन दिल्याने अवघ्या तीन तासांच्या उपोषणानंतर पुढील आठ दिवसांसाठी हे आंदोलन स्थगित करण्यात आले. चाकण ग्रामपंचायतीचे सरपंच काळूराम गोरे,उपसरपंच साजिद सिकीलकर ,यांच्या सह पाणी पुरवठा समितीचे माजी सभापती धनंजय कदम ,सदस्य दतात्रेय जाधव ,सुनील शेवकरी,दतात्रेय फुलवरे,,उमेश आगरकर,जहीर शेख ,माजी पंचायत समिती सदस्य जनार्दन साळुंके,आरपीआय चे संतोष जाधव,सतीश आगळे, नितीन जगताप,नवयुग मंडळाचे

डॉ. बाबासाहेब आंबेडकर यांना महापरीनिर्वाण दिनानिमित्त कोटी कोटी प्रणाम ....... जगातली देखणी ..जगातली देखणी ..... माझ्या भीमाची लेखणी ... होय या भिम गीता प्रमाणेच बाबासाहेबांची लेखणी तळपत होती.ती पत्रकारितेच्या मध्यामातून ... पत्रकार डॉ. बाबासाहेब आंबेडकर... डॉ. बाबासाहेब आंबेडकरांची ओळख घटनाकार, घटनातज्ञ, कायदेपंडित, अर्थतज्ञ अशा अनेक अंगांनी जगाला परिचित आहे, परंतु, पत्रकार डॉ. आंबेडकर म्हणून अद्यापही अन्य वृत्तपत्रसृष्टीने बाबासाहेबांची म्हणावी तेवढी दखल घेतल्याचे दिसून येत नाही. वास्तविक पाहता डॉ. बाबासाहेब आंबेडकरांची पत्रकारिता ही काही पोटभरू किंवा प्रचारकी पत्रकारिता नव्हती, तर तिला समाजोद्धाराचे पर्यायाने राष्ट्रोद्धाराचे मूलभूत अधिष्ठान लाभलेले होते. या बाबीकडे या क्षेत्रातील तज्ज्ञांनी एकतर जाणीवपूर्वक कानाडोळा केला किंवा पारंपरिक मानसिकतेमुळे या पत्रकारितेची दखल घ्यावी, असे त्यांना वाटले नसावे.बाबासाहेब हे एकाच वेळी वृत्तपत्राचे संपादक होते, त्याचवेळी ते कोट्यावधी जनेतेचे नेते होते. कारण त्यांनी कधीही व्यावसायिक तडजोड केली नाही. म्हणूनच आजही पत्रकार म्हणून डॉ.बाबासाहेब आंबे

...अन् अपघाताच्या वृत्ताने चाकण परिसर हबकला ----------------------------- इंदोरी (ता.मावळ) येथे भंडारा डोंगराच्या पायथ्याशी आज(दि.8) पाहटे सव्वा दोन वाजता झालेल्या अपघातात ठार झालेले चार युवक आणि अत्यवस्थ एक युवक असे पाचही जण चाकण भागातील असल्याने अपघाताचे वृत्त याभागात येऊन थडकताच हा संपूर्ण परिसर हबकून गेला. आणि संपूर्ण खेड तालुक्यावर शोककळाच पसरली आहे . यातील ठार झालेले तीन युवक आणि अत्यवस्थ एक युवक हे चाकण च्या शिवाजी विद्यालयाचे इयत्ता बारावीचे वाणिज्य शाखेचे विद्यार्थी होते. उद्या त्यांचा अर्थशास्त्र विषयाचा अखेरचा पेपर होता, मात्र काळाने त्या पूर्वीच त्यांच्यावर झडप घातली . अनिल शिवाजी लिंभोरे(वय 18 रा. नाणेकरवाडी ,चाकण,ता.खेड ) सचिन दत्तात्रेय वाहिले (वय 18,रा.वाकी खुर्द ,ता.खेड) अमोल भरत पोकळे (वय 18 सध्या रा. नाणेकरवाडी ,चाकण, मूळ रा. बीड) अक्षय सुरेश वाहिले (वय 18 ,रा.वाकी खुर्द ,ता.खेड) हे चौघे या दुर्दैवी अपघातात ठार झाले असून अक्षय वाहिले वगळता अन्य तिघे चाकण च्या शिवाजी विद्यालयाचे इयत्ता बारावीचे वाणिज्य शाखेचे विद्यार्थी होते. तर गंभीर जखणी असलेला गणेश सतीश नाईकरे (वय

------------------------------------------ उद्योगनगरी चाकण मध्ये अनेक असुविधा महाराष्ट्राचा औद्योगिक विकास करताना चाकण येथे १९८३ साली ग्रामपंचायत पातळीवरील महाराष्ट्रातील पहिली औद्योगिक वसाहत येथे छोट्या स्वरुपात स्थापन करण्यात आली होती चाकण च्या औद्योगिक विकासाला मोठी पार्श्वभूमी आहे. गेल्या पाच सात वर्षांमध्ये जागतिक कीर्तीचे वाहन उद्योगाशी संबंधित कारखाने या भागात आल्यानंतर व चाकण च्या एम आय डी सी तून प्रत्यक्ष मोठ्या प्रमाणावर वाहने उत्पादित होऊ लागल्या नंतर या भागाची तुलना थेट अमेरिकेतील डेट्रॉइट शी होऊ लागली असली तरी येथे कारखानदारीची मुहूर्त मेढ 1983 सालीच झाली होती.1979 साली असलेले मुख्यमंत्री शरद पवार यांनी शिरूरच्या एका सभेत पुणे जिल्ह्य़ातील चाकण येथे ग्रामीण भागात ग्रामपंचायत पातळीवर महाराष्ट्रातील पहिली औद्योगिक वसाहत आणणार अशी घोषणा केली होती .त्या नंतर 1983 साली पश्चिम महाराष्ट्र विकास महामंडळाच्या (डब्लू एम डी सी) माध्यमातून औद्योगिक वसाहत सुरू करून औद्योगिक वाटचालीस प्रारंभ केला.मात्र गेल्या काही वर्षांमध्ये सुसाट वाढलेल्या कारखान दारीने व त्या पाठोपाठ आलेल्या लोकस

चाकण ला कांद्याची 40 हजार क्विंटल आवक *कांद्याला प्रतीक्विंटलला अवघा ४६० रुपयांचा भाव ------------------------------ खेड कृषी उत्पन्न बाजार समितीच्या चाकण येथील महात्मा फुले मार्केट यार्ड मध्ये कांद्याची आवक भरपूर होऊन भावात प्रती क्विंटलला अवघी 10 रुपयांची वाढ झाली , कांद्याची आवक मागील आठवड्या पेक्षाही 2 हजार क्विंटलने वाढली .पालेभाज्या आणि फळभाज्यांची आवक स्थिर राहूनही भावात मात्र चांगलीच वाढ झाली.फरशी,पावटा,शेवगा,गाजर या फळभाज्यांची काहीच आवक झाली नाही. बटाट्याच्या आवक काहीशी घटली ,आणि भावात 150 रुपयांची घट झाली. पालेभाज्यांमध्ये कोथिंबीर आणि पालक यांची आवक चांगलीच वाढली . कांद्याची एकूण आवक तब्बल 40 हजार क्विंटल झाली. गेल्या शनिवारच्या तुलनेत ही आवक 2 हजार क्विंटल ने वाढली .व कमाल भावात अवघी 10 रुपयांची वाढ झाली. कांद्याचे कमालभाव 450 रुपयांवरून 460 रुपयांवर स्थिरावले . बटाट्याची एकूण आवक 1 हजार क्विंटल झाली. गेल्या आठवड्याच्या तुलनेत ही आवक 224 क्विंटलने घटली . व कमाल भावात 150 रुपयांची घट झाली.बटाट्याचे कमाल भाव 850 रुपयांवरून 700 रुपयांवर

चाकण ग्रामपंचायत देणार वीज वितरणला झटका *वीज वितरण च्या विरोधात 9 मार्च पासून उपोषण * पाणी पुरवठ्याला अखंडित वीज देण्याची मागणी ------------------------------ चाकण च्या सध्याच्या विस्कळीत पाणी पुरवठ्यासाठी वीज वितरणचा भोंगळ कारभार कारणीभूत असून पाणी पुरवठ्याच्या योजनेचा तांत्रिक बिघाडा नंतर खंडीत होणारा वीज पुरवठा दुरुस्ती साठी तासंतास वेळ लागत आहे .त्या नंतर अधून मधून विजेने झटके दिल्यास पुन्हा वकी केटी बंधाऱ्यावरून पाणी पुरवठ्याच्या टाकीत पाणी येण्यास सुमारे दोन तास लागत असल्याने पाणी पुरवठा विस्कळीत होतो त्यामुळे चाकण ला पाणी पुरवठा होणाऱ्या वाकी केटी बंधाऱ्यात मुबलक पाणी साठा उपलब्ध असतानाही पाण्याची बोंबाबोंब होत आहे.त्यामुळेच झोपेचे सोंग घेतलेल्या वीज वितरणाला जाग आणण्यासाठी चाकण ग्रामपंचायतीचे कारभारी येत्या 9 मार्च पासून आमरण उपोषणास बसणार आहेत.याबाबत वीज वितरण कंपनीला पत्रही देण्यात आले आहे. ढिम्म वीज वितरणच्या ढिल्या कारभारा मुळे विस्कळीत पाणी पुरवठ्याची समस्या गेल्या काही वर्षांपासून चाकण मध्ये अविरत पणे सुरु आहे. चाकण मध्ये बऱ्याचदा नळांना एकही थेंब पाणी येत नसल्या

प्रकल्पांमुळे शेतकरी आदिवासींच्या जीवन शैलीत बदल *खेडच्या पश्चिम भागाचा होणार अभ्यास दौरा --------------------------------------- ' वृक्षवल्ली आम्हा सोयरीं वनचरे'.. असं सांगताना संतश्रेष्ठींनी आपलं जिव्हाळ्याचं नातं निसर्गसृष्टीशी जोडल मात्र आजकाल माणूस नावाच्या प्राण्याचे सगळया प्राणीजगतावर आणि त्यांची वसतिस्थाने असलेल्या रानावनावर जोरदार आक्रमण सुरु आहे.वृक्षांचे जतन करण्याची गरज असताना भीमाशंकरसारख्या समृद्ध जंगलावर कुऱ्हाड चालविली गेल्याचे सर्वश्रुत आहेच .या जंगलात इनरकॉन कंपनीच्या पवनउर्जा प्रकल्पासाठी लाखो वृक्षांची कत्तल झाल्याचे प्रकरण मध्यंतरी खूप तापलेही होते. मात्र तरीही तो प्रकल्प आता जवळपास पूर्ण झाला आहे.आता या बाबतचे साधक बाधक परिणामांचा अभ्यास करण्यासाठी ज्येष्ठ पर्यावरण तज्ञ डॉ. माधव गाडगीळ यांच्या मार्गदर्शनाखाली पर्यावरणप्रेमीं येथील वन्यजीव,पशुपक्षी ,पाण्याचे नैसर्गिक उदभव ,भूगर्भाची सद्य सखोल माहिती घेणार आहेत. ज्येष्ठ पर्यावरण तज्ञ डॉ. माधव गाडगीळ यांच्या अध्यक्षतेखालील समितीने या पूर्वीही येथे भेट दिली होती. त्या समितीने या बाबतचा अहवाल केन्द्रीय पर्य

इंद्रायणीचा श्वास गुदमरतोय इंद्रायणी पुन्हा जलपर्णीखाली गडप ---------------------- प्रतिवर्षी प्रमाणे यंदाही पुणे नाशिक महामार्गावरून चाकण कडे येताना मोशी जवळ नदीचे सुमारे तीन ते चार किलोमीटरचे पात्र जलपर्णीने व्यापले असल्याचे दृष्य पहावयास मिळत आहे. या नदीची हीच स्थिती अन्यत्र इतर भागातही आहे.दाट जलपर्णी मुळे इंद्रायणीचा श्वास गुदमरत असून नदी पात्राला हिरव्यागार मैदानाचे स्वरूप प्राप्त झाले आहे. या जलपर्णी मुळे नदीपात्रालगच्या रहिवाशांना डासांच्या उपद्रवाचा सामना करावा लागत आहे. . कुदळवाडी, चिखली येथे उद्योगांचे विनाप्रक्रिया केलेले रसायनमिश्रित पाणी नदीत सोडण्यात येत असल्याने तेथील पाणी धोकादायक बनले आहे. प्रदूषणाच्या जोडीने आता मोशीसारख्या भागात नदीकिनाऱ्यावर अतिक्रमण होऊ लागल्याने पात्र अरुंद होण्यास सुरवात झाली आहे. धार्मिक व विकासात्मक अशा विविध कारणांनी इंद्रायणी मधील प्रदूषणाचा आलेख दिवसेंदिवस उंचावत आहे. औद्योगिक क्षेत्रातील सांडपाणी व घरगुती वापरातील सांडपाणी कुठल्याही प्रक्रियेविना सर्रास नद्यांमध्ये मिसळत असल्याने नद्यांच्या प्रदूषणाचा प्रश्न गंभीर होत आहे. पाणवनस्पती व ज