चाकण टाईम्स

चाकण मध्ये तब्बल तीन हजार बोगस नळ कनेक्शन??? चाकण: अविनाश दुधवडे  चाकण शहरात गेल्या काही वर्षांपासून पाणी पुरवठ्याचा विषय ऐरणीवर आला आहे. अनियमित ,कमी दाबाने होणाऱ्या पाणी पुरवठ्याने आणि बऱ्याचदा दोन-दोन दिवस कोरड्या ठणठणीत राहणाऱ्या नळांच्या तोट्यांनी अनेकांच्या तोंडचे पाणी पळविले आहे. चाकण ग्रामपंचायतीच्या अनेक ग्रामसभा पाण्याच्या मुद्द्यावर वादळी ठरल्याचे सर्वश्रुत आहेच. यासाठी अन्य बाबी कारणीभूत असल्या तरी शहरातील मोठ्या आकारांची बोगस नळ कनेक्शनही जबाबदार आहेत. शहरातील विविध भागात तब्बल तीन हजारांपेक्षा अधिक बोगस नळ कनेक्शन असल्याची धक्कादायक बाब उघडकीस येत आहे.    चाकण शहरातील एकता नगर,कांडगे वस्ती ,मार्केटयार्ड परिसर,शिक्षक कॉलीनी ,आगरवाडी,पठारवाडी,राक्षेवाडी ,आंबेडकरनगर, खंडोबामाळ, बलुत आळी, बाजारपेठ, देशमुखआळी,भुजबळ आळी ,माणिक चौक , राणूबाई मळा ,दावडमळा ,झित्राई मळा , आंबेठाण चौक परिसर आदी चाकण मधील सर्व सहा वार्डांच्या टापूत ग्रामपंचायतीकडून पाणीपुरवठा केला जातो. त्यात राणूबाईमळा व झित्राई मळा परिसरात चाकण औद्योगिक वसाहत व  महाराष्ट्न जीवन प्राधिकरणाकडून राबविण्यात आले

चाकणची 'घोकंपट्टी' जिल्ह्यात प्रथम  आंतरशालेय नाट्य स्पर्धेत सादर केली उत्कृष्ट कला  चाकण: वार्ताहर - पुणे जिल्हा परिषदेच्या वतीने घेण्यात आलेल्या यशवंतराव चव्हाण आंतरशालेय नाट्य स्पर्धेत चाकण च्या शिवाजी विद्यालयाच्या घोकंपट्टी या एकांकिकेचा माध्यमिक मुलींच्या गटात जिल्ह्यात प्रथम क्रमांक आला.राणी लक्ष्मीबाई विद्यालय कासार आंबोली येथे येथे संपन्न झालेल्या या स्पर्धेत पुणे जिल्ह्यातील एकूण 65 विद्यालयांच्या एकांकिका सदर झाल्या. यामध्ये चाकण च्या श्री.शिवाजी विद्यामंदिर प्रशालेच्या विद्यार्थीनिनी घोकंपट्टी हि एकांकिका सादर केली. या उत्कृशात्ब एकांकिकेचा जिल्ह्यात प्रथम क्रमांक आला आहे. या एकांकिकेचे दिग्दर्शन व संगीत कु.संध्या सहाने ,प्रकाश योजना कु.अनिकेत नायकवाडी,नेपथ्य कु.सुहास कांडगे,व कु.अश्विनी राऊत ,लेखन दीपक माडेकर, यांनी केले. या मध्ये कु. स्वप्नाली टोके, गौरी गोरे,ऋतुजा वाघ, रोशनी घायाळ,प्रतिभा कदम, या सर्व विद्यार्थीनिनी अप्रतिम कला सादर केली. यासाठी प्रशालेचे प्राचार्य लालासाहेब भुजबळ,उपप्राचार्य मार्तंड खोडदे , पर्यवेक्षक शिवाजी वाळे, अरुण देशमुख,सुभाष गारगोटे,

जनसेवा बँक सामाजिक बांधिलकी जोपासणारी : तावडे  चाकण: अविनाश दुधवडे, -  जनसेवा सहकारी बँक सामाजिक बांधिलकी जाणून काम करणारी सर्वसामान्यांची बँक आहे असे प्रतिपादन विधान परिषदेचे विरोधी पक्ष नेते विनोद तावडे यांनी चाकण जवळ खराबवाडी (ता. खेड) येथे आज (दि.23) केले. जनसेवा सहकारी बँकेच्या 29 व्या शाखेचा खराबवाडी (चाकण) येथे आज शुभारंभ करण्यात आला. या चाकण शाखेचे व एटीएम सेवेचे उद्घाटन विधान परिषदेचे विरोधी पक्ष नेते विनोद तावडे यांच्या हस्ते करण्यात आले. त्यावेळी तावडे बोलत होते. या प्रसंगी शिरूरचे खासदार शिवाजीराव आढळराव पाटील, खेड चे आमदार दिलीप मोहिते पाटील, मावळचे आमदार संजय तथा बाळासाहेब भेगडे, खराबवाडीच्या सरपंच योजनाताई सोमवंशी जनसेवा सहकारी बँकेचे अध्यक्ष सतीश गोरडे व मुख्य कार्यकारी अधिकारी दिलीप पतकी , भाजपा युवा मोर्चाचे जिल्हाध्यक्ष संदीप सोमवंशी, पंचायत समिती सदस्य अमृत शेवकरी, तालुका राष्ट्रवादीचे अरुण सोमवंशी, हिंदुस्तान ग्रुपचे संजय राऊत , आशा बुचके, आदींसह  सर्वपक्षीय कार्यकर्ते उपस्थित होते.   पुढे बोलताना तावडे म्हणाले की, राज्यातील दुष्काळी परिस्थिती गंभीर आहे, य

वडगाव ते चौफुला राज्य महामार्ग मृत्यूचा सापळा नागमोडी रस्ते,धोकादायक वळणे, अवजड वाहतुकीने अपघात नित्याचे अवजड वाहतुकीला नियमावलीची गरज चाकण:महेंद्र दुधवडे चाकण भागातून जाणाऱ्या पुणे नाशिक महामार्गावर आणि तळेगाव व शिक्रापूर राज्यमार्ग क्रमांक 55 वर लांब आकाराच्या कंटेनरची वाहतूक कमालीची वाढली असून, यातून होणाऱ्या अपघातांमुळे कंटेनर वाहतुकीला काही नियमावली तयार करण्याची गरज निर्माण झाली आहे. शेकडो जणांना या रस्त्यावरील अपघातांमधुन आपले प्राण गमवावे लागले आहेत. ट्रकसहीत साधारणत: 30 ते 40 फूट लांबीचे हे कंटेनर येथील रस्त्यांवरून आणि महामार्गावरून दिवसभरात शेकडोंच्या संख्येने जात असतात. आपल्या ताब्यातील वाहन लांबीला अधिक आहे, याचा थोडाही विचार न करता कंटेनरचालक बेदरकारपणे वाहन चालवित असल्याचे असंख्य अनुभव आजवर पादचारी व अन्य वाहनचालकांना आले आहेत. उंचीला ट्रकसह 19 फूट व लांबीला 30 फूट अशा कंटेनरमधील बॉक्समधून विविध प्रकारच्या मालाची वाहतूक केली जाते. किमती मालवाहतूक सुरक्षित व निर्धोक व्हावी, या हेतूने कंटेनर बॉक्सचा वापर केला जातो. मात्र माल सुरक्षित नेण्याच्या प्रयत्नांत

अंधश्रद्धा निर्मुलनासाठी शाळकरी विद्यार्थाचे जादूचे प्रयोग  त्याच्याकडे आहे जिद्द आणि अंधश्रध्दा निर्मूलनाचे सामर्थ्य  चाकण: -  अविनाश दुधवडे  समाजात अंधश्रद्धा मोठ्या प्रमाणात वाढत आहे.या गोष्टीचा गैरफायदा घेवून अनेक भोंदू बाबा तंत्र मंत्राचा आधार घेवून विविध चमत्कार दाखवून नागरिकांची दिशाभूल करून पैसे उकळत असतात .या प्रकारामुळे समाजात अंधश्रद्धेचे लोन मोठ्या प्रमाणत पसरत असून विविध समस्या निर्माण होताना दिसून येत आहेत.या समस्येवर मात करण्यासाठी अवघा सोळा वर्षांचा शाळकरी विद्यार्थी असलेला नवोदित जादुगार अरूप कुमार  जादूच्या प्रयोगातून नागरिकांच्या मनातील अंधश्रद्धा दूर करून त्यांना वास्तवतेची जाणीव करून देत आहे.सोळा वर्षांच्या या नवोदित जादुगाराने चाकण सह जिल्ह्याच्या विविध भागात आजवर सुमारे दोनशे पेक्षा अधिक प्रयोग करीत नागरिकांना जागृत करण्याचा एकाकी प्रयत्न चालविला आहे.  अंधश्रद्धेचे भूत मानगुटीवर बसल्याने समाजात आज जादूटोणा,भूतबाधा,दैवी चमत्कार,भोंदुगिरीचे प्रमाण वाढले आहे.चाकण मध्ये अंधश्रध्दा निर्मुलन समितीच्या कार्यकर्त्यांनी असे अनेक भोंदूबाबा सापळा लावून पकडून पो

महाराष्ट्र राज्य मराठी पत्रकार संघाचे जिल्हाध्यक्ष सोमनाथ देशकर यांचा सत्कार करताना खेड तालुका मराठी पत्रकार संघाचे अध्यक्ष अविनाश दुधवडे .....

बैलगाडा शर्यतींचा अडथळा झाला दूर ... बैलगाडा शर्यत बंदीला सर्वोच्च न्यायालयाची स्थगिती बैलगाडा चालक,मालक,शौकीनांमध्ये उत्साह यात्रांची उत्कंठा वाढणार चाकण:अविनाश दुधवडे गावा कडच्या यात्रा जत्रांमध्ये सर्वाधिक आकर्षण असणाऱ्या बैलगाडा शर्यतींवर लादण्यात आलेली बंदी अखेर सर्वोच्च न्यायालयाने काही अटी व शर्तींवर अखेर मागे घेत बंदीला स्थगिती दिली असून यंदा पुन्हा एकदा गावाकडच्या यात्रांमध्ये भिर्र.. झाली उचल की टाक ..हा नेहमीचा घाटातील सूर कानी पडणार आहे. बैलगाडा शर्यतीवरील बंदीला स्थगिती मिळाल्याचे वृत्त याभागात येवून धडकताच बैलगाडा चालक आणि मालकांनी आनंद व्यक्त केला आहे.आता यापुढे बैलगाडा शर्यती पुन्हा सुरू राहणार आहे. सर्वोच्च न्यायालयाने आज (शुक्रवार दि.15) दिलेल्या निर्णयामुळे बैलगाडा शर्यत आयोजकांना दिलासा मिळाला आहे. बैलगाडा शर्यतीवर उच्च न्यायालयाने डिसेंबर 2011 मध्ये बंदी घातली होती. या बंदीच्या विरोधात खासदार शिवाजीराव आढळराव पाटील यांच्यासह खेड येथील बैलगाडा मालक रामकृष्ण टाकळकर, आबा शेवाळे,यांनी सर्वोच्च न्यायालयात आव्हान दिले होते. आज झालेल्या सुनावणीदरम्यान सर्

फोक्‍स वॅगन कंपनीच्या बाथरूम मध्ये गळा कापलेल्या अवस्थेत कामगार उपचारांदरम्यान मृत्यू ;घातपाताचा संशय चाकण: चाकण औद्योगिक क्षेत्रातील फोक्‍स वॅगन कंपनीतील स्वच्छता गृहात कामगाराचा गळा कापून मृत्यू झाल्याचा प्रकार आज (दि.14) दुपारी साडेबारा वाजनेचे सुमारास घडला. हा घातपाताचा प्रकार असल्याचा पोलिसांचा प्राथमिक अंदाज आहे.या संपूर्ण घटनेमागचे नेमके गूढ मात्र रात्री उशिरा पर्यंत पोलिसांकडून स्पष्ट होऊ शकले नाही. गोविंद किसन बांगेवाड (वय 28, सध्या रा.नंदनवन सोसायटी चिखली, मूळ रा.धानोरा ता.ह्तगाव ,जि.नांदेड) असे या घटनेत मृत झालेल्या कर्मचाऱ्याचे नाव आहे. या बाबत पोलिसांकडून मिळालेल्या माहिती नुसार गोविंद आज सकाळी नेहमी प्रमाणे कामावर आला होता. दुपारी सव्वा बारा वाजनेचे सुमारास तो कंपनीच्या स्वच्छता गुहात गेला होता.त्यानंतर काही वेळाने स्वच्छता गृहात गेलेल्या अन्य कामगारांना स्वच्छता गृहात रक्ताच्या थारोळ्यात पडलेला गोविंद दिसला व हा प्रकार उघडकीस आला. गोविंदला तातडीने चिंचवड येथील धनश्री रुग्णालयात दाखल करण्यात आले ,मात्र अति रक्तस्त्राव झाल्याने त्याचा मृत्यू झाला. गोविंद चा मृतदेह शव

'एसी'तील कारभारी हिंडताहेत दारोदारी चाकण मधील स्थिती वसुलीत नापास न होण्यासाठी पदाधिकाऱ्यांची धडपड चाकण:अविनाश दुधवडे - 'मार्च एंड'जवळ येवू लागल्याने घरपट्टी-पाणीपट्टी वसुलीअभावी चाकण ग्रामपंचायतीच्या च्या उत्पन्नात पडलेला मोठा खड्डा भरून काढण्यासाठी ग्रामपंचायतींतर्फे ग्रामपंचायतीचे कारभारी वसुली करण्यासाठी दारोदारी हिंडत असल्याचे विपर्यस्त दृश्य पहावयास मिळत आहे.खुद्द ग्रामपंचायतीचे पदाधिकारी दारावर येवून वसुलीच्या नोटिशी देवू लागल्याने नागरिकांचा अपेक्षित प्रतिसाद लाभत असल्याचे चित्र पहावयास मिळत आहे. दैनिक पुढारीतील याबाबतची वस्तुस्थिती मांडणारी चौकांमधील होर्डिंग वर झळकणारी वृत्ते व ग्रामपंचायतीच्या पदाधिकार्यांकडून सध्या सुरु असलेला पाठपुरावा यामुळे चाकण ग्रामपंचायतीची वसुली 60 टक्क्यांपर्यंत पोहोचल्याचे चाकणचे सरपंच काळूराम गोरे,व ग्रामविकास अधिकारी दयानंद कोळी यांनी सांगितले. चाकण ग्रामपंचायतीची घरपट्टी, पाणीपट्टी, जागाभाडे वसुलीपोटी अद्यापही सुमारे 1 कोटी रुपयांची वसुली बाकी आहे. मागील आर्थिक वर्षात मोठ्या प्रमाणावर वसुलीचे उद्दिष्ट साध्य करणा

महा-ई-सेवा केंद्राचा लाभ घ्या : निंबाळकर चाकण: महा-ई-सेवा केंद्रामार्फत नागरिकास सात-बारा आणि "आठ अ'चा उतारा दिला जाणार आहे. महा-ई-सेवा केंद्रामार्फत दिल्या जाणाऱ्या सात-बारा आणि आठ अ उताऱ्याची सत्यता पडताळणी संकेतस्थळावरही करता येणार आहे. या सेवेचा लाभ नागरिकांनी घ्यावा असे आवाहन खेड चे तहसीलदार जगदीश निंबाळकर यांनी चाकण येथे केले. माहिती तंत्रज्ञानाच्या साह्याने जनतेला विविध शासकीय सेवा जलदगतीने उपलब्ध व्हावी यासाठी महा-ई-सेवा ही योजना गेल्या काही वर्षांपासून सुरू करण्यात येणार असल्याचे सांगण्यात येत होते. आता हि योजना प्रत्यक्षात आली आहे. प्रत्येक सहा गावांकरिता एक या प्रमाणाने राज्यात 11 हजार 818 महा-ई-सेवा केंद्रे सुरू करण्याची कार्यवाही सुरू असल्याचे प्रशासनाकडून सांगण्यात येत आहे. चाकण मधील लोकसंखेच्या पार्श्वभूमीवर येथील कोहिनूर सेंटर मध्ये आणखी एका महा-ई-सेवा केंद्राचे उद्घाटन तहसीलदार निंबाळकर यांच्या हस्ते करण्या आले. यावेळी भाजप युवा मोर्चाचे जिल्हाध्यक्ष संदीप सोमवंशी , अमोल नरुटे, गणेश शिंगटे आदी उपस्थित होते. ------------ फोटो मेल करीत आहे. चाकण येथ

चाकणला भाजी विक्रेत्यांनी रोखला चाकण शिक्रापूर रस्ता शिवसेनेच्या पुढाकाराने आंदोलन चाकण :अविनाश दुधवडे भाजीविक्रेत्यांना कायम स्वरूपी जागा द्यावी यासाठी शिवसेनेच्या वतीने आज ( दि.7) चाकण मध्ये चाकण शिक्रापूर रस्त्यावर माणिक चौक येथे सायंकाळी सात साडेसहा वाजनेचे सुमारास भाजी विक्रेत्या महिलांसह रास्ता रोको आंदोलन करण्यात आले. सुमारे अर्धा तास हा रस्ता आडवून धरल्याने रस्त्याच्या दुतर्फा वाहनांच्या लांबच लांब रांगा लागल्या होत्या. खेडचे तहसीलदार जगदीश निंबाळकर यांनी या बाबत उपाययोजनेचे आश्वासन दिल्यानंतर रस्ता वाहतुकीसाठी खुला करण्यात आला. जुन्या पुणे नाशिक महामार्ग परिसरात अनेक भाजी विक्रेते व्यवसाय करत असतात. त्यांना पोलिसांकडून हटविण्यात येत असल्याच्या निषेधार्थ हा रास्तारोको करण्यात आला. यावेळी शिवसेनेचे माजी उपजिल्हा प्रमुख अशोक खांडेभराड म्हणाले की, गोर गरीब भाजी विक्रेते पोटापाण्याच्या व्यवसायासाठी येथे आपल्या शेतातील भाजीपाला विक्रीसाठी आणतात. त्यांना अतिक्रमण कारवाईच्या निमित्ताने हटविले जाते. मात्र स्थानिक प्रशासन त्

पुणे: प्रतिनिधी - खेड तालुका मराठी पत्रकार संघाच्या अध्यक्ष पदी निवड झाल्यानंतर अविनाश दुधवडे यांचा आयबीएन लोकमतचे सहयोगी संपादक राजेंद्र हुंजे यांच्या हस्ते सत्कार करण्यात आला. यावेळी जिल्हा परिषदेचे माजी गटनेते शरदराव बुट्टे-पाटील ,पुणे जिल्हा बँकेचे अध्यक्ष दिगंबर दुर्गाडे, आदींसह विविध पदाधिकारी पत्रकार  एम. डी. पाखरे (पुण्यनगरी), तुकाराम बोंबले (सामना), संजय शेटे (लोकमत) सुनील थिगळे (प्रभात),  सुनील बटवाल (प्रभात), अँड. विलास फाटे (सकाळ), एकनाथ सांडभोर (सकाळ), कोंडीभाऊ पाचारणे (पुढारी), राजेंद्र  सांडभोर (लोकसत्ता), विद्याधर साळवे (लोकमत). उपस्थित होते: 

खेड तालुका पत्रकार संघाच्या अध्यक्षपदी अविनाश दुधवडे मनसेच्या वतीने जाहीर सत्कार राजगुरुनगर : खेड तालुका मराठी पत्रकार संघाच्या अध्यक्षपदी अविनाश लक्ष्मण दुधवडे यांची तर उपाध्यक्ष पदी रामचंद्र सोनवणे व एम.डी.पाखरे यांची बिनविरोध निवड करण्यात आली. पत्रकार संघाचे मावळते अध्यक्ष कोंडीभाऊ पाचारणे यांच्या अध्यक्षतेखाली खेड पंचायत समितीच्या विश्रामगृहात आयोजित करण्यात आलेल्या बैठकीत या निवडी करण्यात आल्या .चाकण परिसराला प्रथमच पत्रकार संघाच्या अध्यक्ष पदाची संधी मिळाली आहे.खेड तालुका पत्रकार संघाची निवडण्यात आलेली कार्यकारिणी पुढील प्रमाणे - अध्यक्ष -अविनाश लक्ष्मण दुधवडे (दै.पुढारी),उपाध्यक्ष रामचंद्र सोनवणे(जनहिंदोळा,पुण्यनगरी) व एम.डी.पाखरे (प्रभात ,सामना ) कार्याध्यक्ष -तुकाराम बोंबले(दै.सामना ,पुढारी), सचिव- संजय शेटे( दै. लोकमत) ,सहसचिव -सुनील थिगळे (दै. प्रभात),खजिनदार - सुनील बटवाल (दै.प्रभात),यांची निवड करण्यात आली असून ,कायदेशीर सल्लागार पदी एड.विलास काटे(दै.सकाळ),यांची निवड करण्यात आली आहे.तर सल्लागार म्हणून पत्रकार संघाचे माजी अध्यक्ष राजेंद्र सांडभोर(दै.लोकसत्ता),को

रमेश पवार यांना सर्व प्रकारची ताकद देणार : उपमुख्यमंत्री पवार  मरकळ येथील कार्यक्रमात आश्वासन  चाकण:   अविनाश दुधवडे  माजी आमदार स्व. नारायणराव पवार यांचे सुपुत्र रमेश पवार यांनी स्वगृही राष्ट्रवादीत परतण्याचा घेतलेला निर्णय स्वागतार्ह असून रमेश पवार यांना याभागात विकास कामे व पक्ष संघटन बळकट करण्यासाठी सर्व प्रकारचे सहकार्य मी स्वतः करणार असल्याचे सांगत राज्याचे उपमुख्यमंत्री अजित पवार यांनी  रमेश पवार यांच्या राष्ट्रवादी प्रवेशाबाबत समाधान व्यक्त केले.  राज्याचे उपमुख्यमंत्री ना. अजित पवार खेड तालुक्यात मरकळ येथे विकास कामांच्या उद्घाटनाच्या निमित्ताने आज(दि.2) आले होते. खेड तालुक्याच्या राजकारणात माजी आमदार स्व. नारायणराव पवार यांना मानणारा कार्यकर्त्यांचा मोठा वर्ग आहे . हा संपूर्ण वर्ग आपल्या सोबत एकत्रितपणे बांधण्यात स्वतः अजित दादा पवार व खेडचे आमदार दिलीप मोहिते यांनी  रमेश पवार यांना स्वगृही आणल्याने यशस्वी ठरले आहेत.  या कार्यक्रमात पुढे बोलताना उपमुख्यमंत्री पवार म्हणाले की, राजकारणात काही निर्णय चुकतात मात्र या चुका सुधाण्याची संधी मिळताच त्या सुधारल्या पाहिजेत ,रम