हा महामानव झिजला नसता, तर आमचा देह सजला नसता...

हा महामानव झिजला नसता, तर आमचा देह सजला नसता...

बाबासाहेबांच्या प्रतिमेला सर्व पक्षियांचे अभिवादन...

चाकण:   

‘हा महामानव झिजला नसता, तर आमचा देह सजला नसता’.. अशा आदरयुक्त भावना व्यक्त करीत तमाम आंबेडकरी जनतेसह विविध पक्ष सामाजिक संघटना यांचे कडून महामानव, भारतीय घटनेचे शिल्पकार डॉ. बाबासाहेब आंबेडकर यांच्या महापरीनिर्वाण दिनानिमित्ताने चाकण येथे डॉ.बाबासाहेब आंबेडकर सांस्कृतिक भवन येथे बाबासाहेबांच्या प्रतिमेस आज (दि.६) अभिवादन करण्यात आले.

 अभिवादन करण्यासाठी सर्वप्रथम पुणे जिल्हा कॉंग्रेसचे उपाध्यक्ष कालिदास वाडेकर , महिला जिल्हाध्यक्षा वंदना सातपुते , महिला तालुकाध्यक्षा नंदा कड, कमलताई गोतारणे, जिल्हा कॉंग्रेस कमिटीचे काळूराम कड, जमीर काझी, युवक कॉंग्रेसचे उपाध्यक्ष अतिश मांजरे, कुणाल कड,अनिल मिसर, डॉ.प्रज्ञा भवारी, आनंद गायकवाड, रिपब्लिकन पक्षाचे बबनराव जाधव, अशोक गोतारणे,  संतोष जाधव, सुनील गोतारणे,  नितीन जगताप, शांताराम गायकवाड, राहुल गोतारणे,  राष्ट्रवादीचे उपाध्यक्ष  शेखर घोगरे, भारतीय बौद्ध महासभेचे तालुका अध्यक्ष लक्ष्मण दुधवडे , सिद्धार्थ गोतारणे  गौतम वाव्हळ आदी मान्यवर उपस्थित होते. यावेळी बोलताना कालिदास वाडेकर म्हणाले कि बाबासाहेबांचे विचार  प्रेरणादायी असल्याने त्याच्या विचारांचे, आचारांचे सर्वांनी पालन करावे.  डॉ. आंबेडकरांच्या प्रतिमेला जिल्हापरिषद सदस्य सुरेश गोरे, सरपंच दतात्रेय बिरदवडे, पंचायत समिती सदस्य अमृत शेवकरी आदींसह विविध संस्था संघटनांच्या प्रतिनिधींनीही दिवसभरात येथे अभिवादन केले. कार्यक्रमात सर्व मान्यवरांनी प्रथम बाबासाहेबांच्या प्रतिमेला अभिवादन केले. गौतम वाव्हळ यांनी प्रास्ताविक केले तर अशोक गोतारणे यांनी आभार मानले.

--------

अविनाश दुधवडे, चाकण 9922457475