चाकण टाईम्स

चाकण मधील अतिक्रमण हटाव ला पोलिसांच्या फौजफाट्याने धार ............ अनेक रस्त्यांनी चौकांनी कित्येक वर्षांनी घेतला मोकळा श्‍वास कारवाईचा अतिरेक झाल्याची नागरिकांची तक्रार --------------------------------------------- जु न्या पुणे-नाशिक रस्त्यावरील अतिक्रमणे अनेक वर्षानंतर हटविण्यात येथील पोलिसांसह ग्रामपंचायत प्रशासनास  यश आले आहे. व वाहतुकीच्या कोंडीतून नागरिकांना काहीसा दिलासा मिळण्या इतका रस्ता रस्ता रुंद झाला असून त्यामुळे अनेक  वर्षानंतर या रस्त्याने मोकळा श्‍वास घेतला असला तरी कुठलीही सूचना न देता खूप मोठ्या प्रमाणावर मोडतोड झाल्याने अनेक स्थानिकांच्या धंद्या व्यवसायावरच टाच आली आहे. मालकी हक्काच्या जागेंवरही सर्रास बुलडोझर फिरल्याने या कारवाईचा अतिरेक झाल्याबाबतचा नाराजीचा सूर  सर्वच स्तरातून एकू येत आहे.   चाकण मधील तळेगाव चौक, माणिक चौक, महात्मा फुले चौक, आंबेठाण चौक आणि सर्वच महत्वाच्या ठिकाणांवरील व जुन्या पुणे-नाशिक रस्त्यावर दोन्ही बाजूंनी झालेले अतिक्रमण पोलिसांनी हटविल्याने वाहतुकीसाठी रस्ता मोकळा होणार आहे. मात्र सध्या पाडण्यात आलेल्या अतिक्रमित जागेवर

पो लिसांनी कारवाई केलेल्या गुन्हेगारांच्या गुन्हेगारीचे प्रसिद्ध केलेले स्वरूप आश्चर्यकारक आणी तितकेच धक्कादायक असल्याची बाब समोर आली आहे. पुणे जिल्ह्याच्या इंडस्ट्रीयल बेल्ट मधील स्टार औद्योगिक वसाहत समजल्या जाणाऱ्या  चाकण एमआयडीसी परिसरातील कारवाई करण्यात आलेल्या मंडळींमध्ये पोलिसांच्या रेकोर्ड नुसार चक्क काही लोकप्रतिनिधींची कामे त्यांच्या पाठबळावर दहशतीने ही मंडळी करीत असल्याचे स्पष्ट होत असून संबंधित गुन्हेगारांच्या गुन्हेगारीचे स्वरूप मांडताना पोलिसांनी या बाबींचा स्पष्ट पणे उल्लेख केला आहे.आपले राजकीय पाठीराखे आपल्याला कोणत्याही प्रकरणातून सोडवतील, याची खात्री कार्यकर्त्यांना असल्याने राजकीय पाठबळावर हे बोके पोसले गेल्याची वस्तुस्थिती असून ज्यांना कारभार करण्यासाठी लोकांनी प्रतिनिधित्व  दिले आहे, अशी मंडळीच या धंद्याचे प्रवर्तक असने ही सर्वात दुर्दैवी बाब अधोरेखित होत आहे.  पोलिसांनी प्रतिबंधात्मक कारवाईत तयार केलेल्या अहवालात छोटा राजन टोळी ,उदयन महाराजांपासून ,शिरूर मधील बांदल ,माजी आमदार लक्ष्मण माने यांच्या भटक्या जाती जमाती संघटनेचा ,बाबा बोडखे टोळी ,आप्पा लोंढे टोळी, सम

चाकण मध्ये घराचे स्वप्न महागतेय ------------------------ गेल्या पाच सहा वर्षांमध्ये चाकण सारख्या शहरां मधील आणि लगतच्या भागातील घरांच्या किमती लाखांच्या पटीत वाढल्या आहेत. या पठाणी टक्केवारीने वाढलेल्या किमतींमुळे सर्वसामान्यांचे घराचे स्वप्न प्रत्यक्षात येणे कठीण होत असून लक्षणीय बाब म्हणजे मुंबई पुण्यातील घरांच्या किमती ज्या वेगाने वाढल्या आहेत ,तोच वेग चाकण परिसरातील सदनिकांच्या किमतींनी गाठला आहे. 2000 ते 3500 रुपये प्रतिचौरस फूट इतके सदनिकांचे दर याभागात आहेत .त्यात भविष्यात आता आणखी वाढ होणार आहे. सामान्यांना परवडतील अशी घरे याभागात भविष्यात मिळणे दुरापास्त होणार असल्याची चिन्हे आत्ता पासूनच दिसू लागली आहेत. वेगवान औद्योगीकारणाने सुसाट वाढलेल्या चाकण परिसरातील सदनिका आणि जागांचे वाढलेले भाव व ही भरमसाट वाढ पाहता निवाऱ्याची मूलभूत गरज कशी भागवावी, असा प्रश्‍न सर्वसामान्यांनाभेडसावत असल्याचे जळजळीत वास्तव समोर येत आहे. चाकण भागात ग्रामपंचायत स्तरीय स्थानिक स्वराज्य संस्था असल्याने सोयी-सुविधांच्या अभाव असला तरी शहरीकरणाचा वेग वाढतो आहे. कारखानदारीच्या वाढी मुळे वाहन उद्यो

गुंतवणुकीचा फंडा अन् कोट्यावधींचा गंडा चाकण लगतच्या गावातील शेतकऱ्यांना झटका दोन वर्षे विश्वास संपादन करून लाटल्या मोठ्या रकमा ------------------------- औद्योगिकरणात जमिनी संपादित झाल्यानंतर अचानक गडगंज झालेल्या चाकण लगतच्या एका गावातील बहुसंख्य शेतकऱ्यांसह काही व्यापाऱ्यांची एका गुंतवणुकीवर अधिक व्याजाच्या फंदात पडून लाखो रुपयांना फसल्याची चर्चा असून पुरावे नसल्याने कुठच्या आधारावर तक्रारी करायच्या आणि पैसे तर गेलेच आहेत आणखी बेअब्रू कशाला करून घ्यायची या भावनेतून सर्वानीच चिडीचूप भूमिका घेतली आहे ,'रोकडा व्यवहार पावती नाही' त्यामुळे पुरावे नसल्याने संबंधितांनी रीतसर तक्रारी केल्या नसल्याचे पोलिसांकडून सांगण्यात येत आहे. त्यामुळे लाखो रुपयांचा गंडा घालून पोबारा केलेल्या ठगांचे चांगलेच फावले आहे . गुंतवणुकीवर कमी कालावधीत जादा नफा देण्याचे आमिष दाखवून फसवणुकीचे नवनवीन फंडे उघडकीस येऊ लागले आहेत. भिशी, दामदुप्पट योजना यांद्वारे होणाऱ्या फसवणुकीची अनेक प्रकरणे उघडकीस येत असताना काही ठगांनी जमिनींचे पैसे मिळालेली गावे टार्गेट केली आहेत. गुंतवणुकीवर जादा मोबदला देण्याचे आमि

बेपत्ता मुलांची गंभीर समस्या बेपत्ता बेपत्ता बेपत्ता .... चाकण:वार्ताहर चाकण भागातील सज्ञान समजले जाणारे पुरुष व स्त्रिया घरातून पळून गेल्याच्याही तक्रारी मोठ्या प्रमाणावर दाखल होत आहेत . त्यापैकी काहींना फूस लावून ,फसवून वैगरे पळवून नेल्याची बाब गृहित धरलीतरी सबळ कारणाशिवाय घरातून धूम ठोकणाऱ्यांची संख्याही आश्चर्यकारक आहे .घरातून अचानक बेपत्ता होणाऱ्या महिला, पुरुष, अल्पवयीन मुले व मुलींच्या संख्येत कमालीची वाढ झाली आहे. मित्र-मैत्रिणींकडे अथवा शिकवणीला जात असल्याचे किंवा अन्य कारणे सांगून घराबाहेर पडणाऱ्या युवक-युवतीबेपत्ता होण्याचे म्हणजेच पळून जाण्याचे प्रमाण प्रचंड वाढल्याने पालकांमध्ये चिंतेचे वातावरण निर्माण झाले आहे.जानेवारी 2011 पासून अद्याप पर्यंत सुमारे 125 जन या भागातून बेपत्ता झालेआहेत ; 22 जणांनी बेपत्ता होवून आत्महत्या केल्या आहेत .मात्र अल्पवयीन मुलेही बेपत्ता होऊ लागल्याने बेपात्तांचा विषय गंभीर झाला असून ही भविष्यातील धोक्याची नांदी आहे. चाकण जवळ नाणेकरवाडी येथून दोन अल्पवयीन मुले शाळेत जातो असे सांगून घराबाहेर पडल्यानंतर घरी परतलीच नसून गेल्या आठवड्या भरापासून

...अन् हरवलेला रणजीत पोहचला आईच्या कुशीत आश्चर्यकारक रित्या सापडला रेल्वेस्थानकावर दैनिक पुढारीतील वृत्त आणि नेटवर्किंग साईटमुळे लागला शोध --------------------------------- सोशल नेटवर्किंग साईटमुळे म्हणे नाते-संबंधात दरी निर्माण होत आहे , पण चाकण सारख्या भागात मात्र याच सोशल नेटवर्किंग साईटमुळे चक्क दगड फोडणाऱ्या मजूर आई वडिलांना त्यांचा पोटच्या चिमुरड्या गोळ्याला पुन्हा भेटता आले. आणि जगण्याचा हरवलेला आधार पुन्हा मिळाला.तब्बल आठवड्यानंतर हरवलेला त्यांचा एकुलता एक मुलगा दैनिक पुढारी तील सचित्र वृत्त आणि फेसबुक सर्फिंग च्या माध्यमातून सापडला आहे. दहा वर्षाच्या मित्रा समवेत घाराबाहेर पडलेला नाणेकरवाडीच्या (चाकण) मजूर वस्तीवरील सहा वर्षांचा चिमुरडा मुलगा रणजित उर्फ रज्जीत लक्ष्मण एरकर (वय 6 वर्षे रा.कन्या विद्यालया समोर ,शहा पंपा मागे,नाणेकरवाडी ,चाकणता.खेड)गेल्या आठवडा भरापासून आश्चर्यकारकरित्या बेपत्ता झाला झाला होता चाकण च्या प्रचंड वर्दळीत हरवलेला मुलगा शोधण्यासाठी नातेवाईक आणि पोलीस अशा सर्वांनीच शर्थीचे प्रयत्न केले होते.मात्र काही केल्या या मुलाचा शोध लागत नसल्याने सर्वांच

चाकण परिसर होतोय भेसळीचा हब *भेसळीचा धंदा कोटीचा *वर्षातील तिसरी मोठी कारवाई *मोठे मासे मात्र जाळ्या बाहेरच *पोलिसांशी गुफ्तगू ----------------------------- चाकण औद्योगिक क्षेत्रालगत खालुंब्रे (ता. खेड) गावाच्या हद्दीत फर्नेस ऑईलमध्ये भेसळ करणार्‍या तेलमाफियांच्या आणखी एका टोळीस थेट मुंबई क्राईम ब्रँचच्या पोलिसांनी छापा मारून ताब्यात घेतले . या छाप्यात 11 टँकर, फर्नेस ऑईल, कॉस्टिक सोडा व रोख रक्कम, असा 40 लाख रुपयांचा माल जप्त केला.अर्थात चाकण सारख्या भागात अशा कारवाया वारंवार होत असल्याची धक्कादायक वस्तुस्थिती आहे.जून 2011 मध्ये खराबवाडी (चाकण )येथे झालेल्या कारवाईत संशयास्पदरीत्या ज्वलनशील तेलाची वाहतूक करणारे दहा टॅंकर भेसळ प्रतिबंधक कायद्यानुसार ताब्यात घेण्यात आले. या टॅंकरचे चालक मात्र पळून गेले, त्यामुळे पोलिसांना सखोल माहिती मिळाली नव्हती ,त्यानंतर चाकण जवळ वाकी (ता.खेड) येथे बोथरा याच्या ऑइल डेपोवर नऊ टॅंकर पोलिसांनी काळ्या ऑइलमध्ये (फनेर्स ऑइल) भेसळकरताना पकडले. त्यानंतर पोलिसांना 20 हजार लिटरच्या दोन टाक्‍यांत सुमारे साडेतेरा हजार लिटर काळे ऑइल आढळून आले होते त्यामुळे चाकण