कॉंग्रेसच्या जिल्हा प्रवक्तेपदी निलेश कड-पाटील
कॉंग्रेसच्या जिल्हा प्रवक्तेपदी निलेश कड-पाटील
 |
| निलेश कड - पाटील ( प्रवक्ते - पुणे जिल्हा कॉंग्रेस कमिटी) |
चाकण: महाराष्ट्र प्रदेश कॉंग्रेस तर्फे चाकण येथील युवा कार्यकर्ते निलेश कड-पाटील यांची पुणे जिल्ह्यातून राज्यस्तरावर प्रवक्ते म्हणून नव्याने निवड करण्यात आली आहे. कॉंग्रेसला बळकटी आणण्यासाठी, पक्षवाढीच्या दृष्टीने विचार करून कॉंग्रेसचे प्रदेशाध्यक्ष खा. अशोक चव्हाण आणि माजी मुख्यमंत्री पृथ्वीराज चव्हाण यांच्या आदेशानुसार कड-पाटील यांना कॉंग्रेसचे राज्यस्तरावर प्रवक्ते म्हणून नियुक्त करण्यात आले आहे. कॉंग्रेसच्या वाढीबरोबरच कॉंग्रेसबाबत टीकाटिप्पणी करणाऱ्यांचा समाचार घेण्याची जबाबदारी कड-पाटील यांच्यावर सोपविण्यात आली. पक्षवाढीसाठी कार्यकर्त्यांना मार्गदर्शन करण्याचे कामही ते करणार आहेत. राज्यातील सर्व जिल्हा व ब्लॉक स्तरावर वक्ते व प्रवक्ते म्हणून कड यांना जबाबदारी सांभाळावी लागणार आहे. युवा व अभ्यासू कार्यकर्ते म्हणून खेड तालुक्यात परिचित असलेले कड यांच्या निवडीचे सर्व स्तरातून स्वागत करण्यात येत आहे. जिल्हा कॉंग्रेसचे अध्यक्ष संजय जगताप यांनी कड यांचे अभिनंदन केले आहे.
टिप्पण्या
टिप्पणी पोस्ट करा