डॉ.नंदकुमार शहा यांचे निधन

डॉ.नंदकुमार शहा यांचे निधन

चाकण:

डॉ.नंदकुमार शहा 

 येथील विधी (लाॅ कॉलेज ) महाविद्यालयाचे उपाध्यक्ष व चाकण रोटरीचे माजी अध्यक्ष डॉ. नंदकुमार हिराचंद शहा (वय ७२ ) यांचे आज (दि.२८) अल्पशा आजाराने निधन झाले. डॉ. शहा त्यांचे मूळ गाव सोलापूर जिल्ह्यातील मोहोळ आहे. मात्र महाविद्यालयीन व  वैद्यकीय शिक्षण पूर्ण झाल्यानंतर डॉ. शहा यांनी चाकण येथे वैद्यकीय सेवा सुरु केली. गेल्या अनेक वर्षांपासून ते चाकण येथे वैद्यकीय व्यवसाय करत होते. चाकण पंचक्रोशीतील व  आसपासच्या बहुसंख्य गावातील रुग्ण त्यांच्यकडे येत असत. उत्कृष्ट मित्र व मार्गदर्शक म्हणूनही त्यांचा लौकीक होता या परिसरात त्यांचा अफाट मित्र परिवार होता.  त्यांच्या निधनाचे वृत्त समजताच हळहळ व्यक्त व्यक्त करीत सर्व राजकीय पक्षांचे पदाधिकारी व चाकण परिसरातील जनतेचे लोंढे त्यांच्या निवासस्थानी सकाळीच पोहचले. अनेक सामाजिक संस्था संघटनांशी त्यांचा जवळचा संबंध होता. त्यांच्या पश्चात पत्नी, २ मुले ,सुना,भाऊ,नातवंडे असा मोठा परिवार आहे. डॉ.बाहुबली शहा यांचे ते बंधू होत. चाकणच्या चक्रेश्वर मंदिर स्मशानभूमीत त्यांच्यावर अंत्यसंस्कार करण्यात आले.   

-----------------------------------------

अविनाश दुधवडे,चाकण, ९९२२४५७४७५