चाकण टाईम्स

महेंद्र दुधवडे 

महाराष्ट्र राज्य मराठी पत्रकार संघाच्या जिल्हा सरचिटणीसपदी अविनाश दुधवडे अविनाश दुधवडे (पत्रकार) चाकण: महाराष्ट्र राज्य मराठी पत्रकार संघाच्या पुणे जिल्हा सरचिटणीसपदी चाकण येथील पत्रकार अविनाश दुधवडे यांची निवड करण्यात आली आहे. पत्रकार संघाचे जिल्हाध्यक्ष सोमनाथ देशकर यांनी प्रसिद्धीपत्रकाद्वारे ही निवड जाहीर केली आहे. दुधवडे यांनी या पूर्वी खेड तालुका पत्रकार संघाचे दोन वर्ष उपाध्यक्ष व दोन वर्ष अध्यक्ष म्हणून उत्तम काम पहिले आहे. त्यांच्याच प्रयत्नातून तालुका पत्रकार संघाच्या ‘पत्रकार भवना’ साठी जागा उपलब्ध झाली आहे. त्यांच्या निवडीचे चाकण सह खेड तालुक्यातून स्वागत होत आहे. जिल्ह्यातील पत्रकारांच्या विविध समस्या आणि मजबूत संघटन याकडे लक्ष देवून काम करणार असल्याचे दुधवडे यांनी निवडीनंतर बोलताना सांगितले. पुणे जिल्हा पत्रकार संघ व खेड तालुका मराठी पत्रकार संघाच्या वतीने दुधवडे यांचे अभिनंदन करण्यात आले. यावेळी तालुक्यातील सर्व पत्रकार उपस्थित होते.  ----------------------------

युवाशक्तीत देशाच्या अर्थव्यवस्थेची प्रगती करण्याची ताकद   ; पंतप्रधान मोदी चाकण मध्ये जीईच्या प्रकल्पाचे उद्घाटन चाकण :    भारतातील युवा शक्ती मध्ये प्रचंड कौशल्य असून त्याच्याच आधारे जगातील उद्योगांना भारताकडे आकर्षित करून देशाच्या अर्थव्यवस्थेची प्रगती करण्याची ताकद येथील युवा शक्तीत आहे. केंद्र सरकारने  ‘ मेक इन इंडिया ’  अभियानाला विशेष महत्त्व दिले असल्याने भारतात गुंतवणुकीच्या मोठ्या प्रमाणात संधी उपलब्ध झाल्या आहेत. भारतातील गुंतवणूक पूर्णपणे सुरक्षित असल्याने जगातील कंपन्यांनी गुंतवणुकीसाठी समोर येण्याचे आवाहन करताना  भारतात व्यापार उद्योग करणे अधिकाधिक सोपे करण्याचा सरकारचा प्रयत्न असल्याचेही पंतप्रधान नरेंद्र मोदी यांनी आज (दि.१४) चाकण (ता.खेड , जि.पुणे) येथे स्पष्ट केले.   इलेक्ट्रिक उपकरणांच्या उत्पादनात आघाडीवर असलेल्या अमेरिकेच्या जनरल इलेक्ट्रिक (जीई) या कंपनीच्या चाकण मधील प्रकल्पाचे उद्घाटन पंतप्रधान नरेंद्र मोदी यांच्या हस्ते करण्यात आले त्यावेळी ते बोलत होते. यावेळी राज्यपाल विद्यासागर राव ,  मुख्यमंत्री  देवे...

२५ वर्षांच्या विविध प्रलंबित समस्यांचा अक्षरशः भडीमार  उद्योगमंत्र्यांच्या जनता दरबाराला उदंड प्रतिसाद चाकण:  आघाडी शासनाच्या काळात माथाडी कायद्याचा मोठ्या प्रमाणात गैरवापर झाला असून तत्कालीन नेत्यांचे काही बगलबच्चे व राजकीय अभय लाभलेल्या माथाडीच्या तथाकथित नेत्यांकडून कामगारांच्या नावावर औद्योगिक क्षेत्रात सरसकट खंडणी गोळा करण्याचा धंदा सुरु असून यामुळे कामगार व कंपनी मालकांचे रक्त शोषले जात आहे. परिणामी कामगारांच्या हिताकडे पूर्णतः दुर्लक्ष करण्यात आलेले आहे. त्यांना कोणत्याही प्रकारच्या सुविधा व संरक्षण दिले जात नाही. संबंधित खंडणीखोरांना लगाम घालण्यासाठी लवकरच माथाडी कायद्यात बदल केला जाणार असून खंडणी गोळा करणाऱ्यांना तुरुंगात पाठविले जाईल ,  असा इशारा राज्याचे उद्योगमंत्री  सुभाष देसाई यांनी आज (दि. २१) चाकण येथे दिला आहे. चाकण औद्योगिक वसाहतीसंबंधी स्थानिक शेतकरी ,  कामगार व उद्योजक यांना असलेल्या विविध समस्या व अडचणी समजून घेण्यासाठी उद्योगमंत्री  देसाई हे शनिवारी चाकण येथे आले होते. यावेळी विशेषतः बाधित शेतकऱ्यांनी आपल्या अनेक वर्ष...

अन् वीस वर्षांनी एकत्र आले माजी विद्यार्थी .... चाकणच्या विद्यालयात माजी विद्यार्थ्यांचा मेळावा चाकण:       शाळा ,  कॉलजचे दिवस संपले की प्रत्येकजण आपआपल्या करिअरसाठी वेगवेगळ्या क्षेत्राकडे धाव घेतो. मात्र ,  ज्या शाळेमध्ये ,  ज्या कॉलेजमध्ये आपण शिकलो ,  लहानाचे मोठे झालो ,  वेगवेगळ््या भागातील विद्यार्थ्यांबरोबर आपण मैत्रीचे नाते जोडले ,  ती नाळ मात्र तशीच असते. सर्वांना एकदा भेटावे ,  एकमेकांशी हितगुज करावे ,  असे सर्वांना वाटते. मात्र वीस वर्षांचा मोठा कालखंड लोटल्या नंतर  प्रत्येकजण आपआपल्या नोकरीधंद्यात व्यस्त असल्याने ते सहजासहजी शक्य होत नाही. मात्र ,  ते अशक्यही नसते हे  चाकणच्या शिवाजी विद्यालयातून १९९५ साली उत्तीर्ण होऊन गेलेल्या विद्यार्थ्यांनी दाखवून दिले . आणि तब्बल वीस वर्षांपूर्वीच्या माजी विद्यार्थ्यांचा मेळावा आयोजित करण्यात आला.      ज्या शाळेत आपण लहानाचे मोठे झाले ,  ज्या मातीने आपल्याला घडवलं ,  आयुष्य जगण्याचे तंत्र मंत्र दिले त्या भूमीत पुन्हा ए...

-------------------------------------------  अविनाश दुधवडे,चाकण ९९२२४५७४७५ 

आम आदमी पक्षाने दिल्ली विधानसभा निवडणुकांमध्ये भाजपला क्लीन स्वीप देत ६७ जागांवर आघाडी घेतल्यानंतर केजरीवाल यांनी दिल्लीकरांचे आभार मानलेच मात्र या लढ्यात मोलाची साथ देणाऱ्या पत्नीलाही धन्यवाद दिले.  समर्थकांच्या गराड्यात आनंद व्यक्त करताना केजरीवाल यांनी आपली पत्नी सुनीता यांचेही मनःपूर्वक आभार मानले. कायमस्वरुपी पाठीशी उभी राहिल्याबद्दल धन्यवाद, असे ते यावेळी म्हणाले.   केजरीवाल म्हणाले, मी फक्त एकटा हे करू शकत नाही. दिल्लीची सेवा करण्यासाठी आपण सर्वजण मिळून एकत्रितपणे काम करू.  केजरीवाल पुढे म्हणाले, माझी पत्नी सरकारी सेवेत नोकरी करते, त्यामुळे सरकार तिच्याविरुद्ध काहीतरी कारस्थान करेल अशी मला भीती वाटत होती. परंतु, आज मी तिला भिऊ नकोस म्हणून सांगितले.  दरम्यान, या विजयाचा अजिबात अहंकार करू नका असे आवाहनही केजरीवाल यांनी आपल्या सहकारी व कार्यकर्त्यांना केले.  --------------- अविनाश दुधवडे,चाकण ९९२२४५७४७५