मोका, तडीपारी, स्थानबद्ध अंतर्गत ६९ गुन्हेगारांवर कारवाई
चाकण :
पिंपरी-चिंचवड पोलिसांनी ऑगस्ट महिन्यात काळेवाडी मधील निंबाळकर टोळी, निगडी मधील ढाका (बिष्णोई) टोळी, आवाड टोळी आणि चिखली मधील नानावत टोळी या चार टोळ्यांवर महाराष्ट्र संघटित गुन्हेगारी नियंत्रण अधिनियम (मकोका) अंतर्गत कारवाई केली आहे. तीन अट्टल गुन्हेगारांना नागपूर कारागृहात स्थानबद्ध केले आहे. तर ४१ गुन्हेगारांना तडीपार केले आहे. आगामी सण, उत्सव आणि निवडणुका शांततेत पार पाडण्यासाठी या कारवाया केल्या आहेत. कारवाया करण्यात आलेल्यामध्ये खेड तालुक्यातील चाकण, नाणेकरवाडी, कोयाळी भागातील अट्टल गुन्हेगारांचा समावेश आहे.
काळेवाडी परिसरातील निंबाळकर टोळीचा प्रमुख अभिषेक निंबाळकर, त्याचे साथीदार सात साथीदार या टोळीवर सात गंभीर गुन्ह्यांची नोंद आहे. निगडी मधील ढाका (बिष्णोई) टोळीचा प्रमुख सुरेश ढाका आणि त्याचे साथीदार महिपाल बिष्णोई, सुभाष बिष्णोई या टोळीवर पिंपरी-चिंचवड आणि राजस्थान, हरियाणा राज्यातील भियनल, सांचोरी, छापी, धानोरा, धोरीमन्ना, चित्तोडगड पोलीस ठाण्यांमध्ये नऊ गुन्हे दाखल आहेत. तसेच निगडी मधील टोळी प्रमुख अविनाश आवाड, त्याचे १० साथीदार यांच्या विरोधात ११ गंभीर गुन्हे दाखल आहेत. चिखली मधील नानावत टोळीचा प्रमुख अरमान नानावत त्याचा साथीदार सोनू गुडदावत यांच्या विरोधात १३ गुन्हे दाखल आहेत.
या टोळ्या स्वतःचे वर्चस्व निर्माण करण्यासाठी शहरात दहशत निर्माण करण्याचा प्रयत्न करत होत्या. या गुन्हेगारांवर खून, खुनाचा प्रयत्न करणे, दरोडा, गंभीर दुखापत, जबरी चोरी, खंडणी मागणे, दुखापत, अंमली पदार्थाची साठवणूक, विक्री करणे, मृत्यू घडवून आणण्याची पूर्व तयारी करुन चोरी करणे, अमंली पदार्थाची तस्करी करणे, बेकायदेशिर अग्निशस्त्रे व हत्यार जवळ बाळगणे असे गुन्हे दाखल आहेत. त्यामुळे या टोळ्यांवर मकोका अंतर्गत कारवाई करण्यात आली आहे. मागील आठ महिन्यात शहरातील २८ गुन्हेगारी टोळ्यांमधील १३९ आरोपींना मकोका लावण्यात आला आहे.
तिघेजण नागपूर कारागृहात स्थानबद्ध
रावेत आणि देहूरोड परिसरातील अट्टल गुन्हेगार मोनेश उर्फ मोहनीश देवेंद्र नाटेकर (२६, रावेत) याच्यावर खुनाचा प्रयत्न, खंडणी, बेकायदेशीररित्या घातक हत्यार जवळ बाळगणे, गावठी हातभट्टीची दारु विक्री असे ११ गंभीर गुन्हे दाखल आहेत. दिघी, आळंदी परिसरातील अट्टल गुन्हेगार संतोष उर्फ पिंट्या लहू काळे ( वय २८, रा. कोयाळी, ता. खेड) याच्या विरोधात खून, खुनाचा प्रयत्न, अपहरण करून खून, दुखापत, खंडणी, बेकायदेशीर शस्त्र बाळगणे असे १० गंभीर गुन्हे दाखल आहेत. तळेगाव दाभाडे, चाकण परिसरातील अट्टल गुन्हेगार संकेत ऊर्फ माँटी जगदीश नाणेकर ( वय २७, रा. नाणेकरवाडी, ता. खेड) याच्या विरोधात खून, खुनाचा प्रयत्न, दुखापत, खंडणी मागणे, बेकायदेशिर शस्त्र बाळगणे, असे चार गंभीर गुन्हे दाखल आहेत. या तीनही गुन्हेगारांना नागपूर कारागृहात एक वर्षासाठी स्थानबद्ध करण्यात आले आहे. मागील आठ महिन्यांत पिंपरी चिंचवडचे पोलीस आयुक्त विनयकुमार चौबे यांनी गुन्हेगारांना स्थानबद्ध करण्याच्या १८ कारवाया केल्या आहेत.
ऑगस्ट महिन्यात ४१ गुन्हेगार तडीपार
पिंपरी-चिंचवड पोलिसांनी ऑगस्ट महिन्यात ४१ गुन्हेगारांना तडीपार केले आहे. तर चालू वर्षात २३९ गुन्हेगारांवर तडीपारीची कारवाई करण्यात आली आहे. परिमंडळ एक मधून दहा गुन्हेगारांना तडीपार करण्यात आले. यामध्ये रसिका गोविंद जगताप (२७, चिखली), रेखा पोपटासिंग तामचीकर (२९, पिंपरी) या दोन महिलांचा समावेश आहे. चिंचवड, दापोडी मधील प्रत्येकी तीन, पिंपरी मधील दोन तर सांगवी आणि भोसरी मधील प्रत्येकी एका गुन्हेगाराचा यामध्ये समावेश आहे. परिमंडळ एक मधून मागील आठ महिन्यांत ४६ गुन्हेगारांना तडीपार केले आहे. परिमंडळ दोन मधून ऑगस्ट महिन्यात दहा गुन्हेगारांना तडीपार करण्यात आले. हिंजवडी आणि देहूरोड पोलीस ठाण्यातील प्रत्येकी तीन तर शिरगाव, वाकड, काळेवाडी, तळेगाव दाभाडे पोलीस ठाण्यातील प्रत्येक एका गुन्हेगाराचा समावेश आहे. परिमंडळ दोन मधून मागील आठ महिन्यात ४२ गुन्हेगारांना तडीपार केले आहे. परिमंडळ तीन मधून ऑगस्ट महिन्यात २१ गुन्हेगारांना तडीपार करण्यात आले. त्यात गौरी रामदास नट ( वय ३६, रा. चाकण) आणि मुक्ता उर्फ संगीता मारुती धोत्रे ( वय ३६, रा. चाकण) या दोन महिलांचा समावेश आहे. परिमंडळ तीन मधून मागील १५१ गुन्हेगारांना तडीपार करण्यात आले आहे.
---------------
पिंपरी-चिंचवड पोलिसांनी ऑगस्ट महिन्यात काळेवाडी मधील निंबाळकर टोळी, निगडी मधील ढाका (बिष्णोई) टोळी, आवाड टोळी आणि चिखली मधील नानावत टोळी या चार टोळ्यांवर महाराष्ट्र संघटित गुन्हेगारी नियंत्रण अधिनियम (मकोका) अंतर्गत कारवाई केली आहे. तीन अट्टल गुन्हेगारांना नागपूर कारागृहात स्थानबद्ध केले आहे. तर ४१ गुन्हेगारांना तडीपार केले आहे. आगामी सण, उत्सव आणि निवडणुका शांततेत पार पाडण्यासाठी या कारवाया केल्या आहेत. कारवाया करण्यात आलेल्यामध्ये खेड तालुक्यातील चाकण, नाणेकरवाडी, कोयाळी भागातील अट्टल गुन्हेगारांचा समावेश आहे.
काळेवाडी परिसरातील निंबाळकर टोळीचा प्रमुख अभिषेक निंबाळकर, त्याचे साथीदार सात साथीदार या टोळीवर सात गंभीर गुन्ह्यांची नोंद आहे. निगडी मधील ढाका (बिष्णोई) टोळीचा प्रमुख सुरेश ढाका आणि त्याचे साथीदार महिपाल बिष्णोई, सुभाष बिष्णोई या टोळीवर पिंपरी-चिंचवड आणि राजस्थान, हरियाणा राज्यातील भियनल, सांचोरी, छापी, धानोरा, धोरीमन्ना, चित्तोडगड पोलीस ठाण्यांमध्ये नऊ गुन्हे दाखल आहेत. तसेच निगडी मधील टोळी प्रमुख अविनाश आवाड, त्याचे १० साथीदार यांच्या विरोधात ११ गंभीर गुन्हे दाखल आहेत. चिखली मधील नानावत टोळीचा प्रमुख अरमान नानावत त्याचा साथीदार सोनू गुडदावत यांच्या विरोधात १३ गुन्हे दाखल आहेत.
या टोळ्या स्वतःचे वर्चस्व निर्माण करण्यासाठी शहरात दहशत निर्माण करण्याचा प्रयत्न करत होत्या. या गुन्हेगारांवर खून, खुनाचा प्रयत्न करणे, दरोडा, गंभीर दुखापत, जबरी चोरी, खंडणी मागणे, दुखापत, अंमली पदार्थाची साठवणूक, विक्री करणे, मृत्यू घडवून आणण्याची पूर्व तयारी करुन चोरी करणे, अमंली पदार्थाची तस्करी करणे, बेकायदेशिर अग्निशस्त्रे व हत्यार जवळ बाळगणे असे गुन्हे दाखल आहेत. त्यामुळे या टोळ्यांवर मकोका अंतर्गत कारवाई करण्यात आली आहे. मागील आठ महिन्यात शहरातील २८ गुन्हेगारी टोळ्यांमधील १३९ आरोपींना मकोका लावण्यात आला आहे.
तिघेजण नागपूर कारागृहात स्थानबद्ध
रावेत आणि देहूरोड परिसरातील अट्टल गुन्हेगार मोनेश उर्फ मोहनीश देवेंद्र नाटेकर (२६, रावेत) याच्यावर खुनाचा प्रयत्न, खंडणी, बेकायदेशीररित्या घातक हत्यार जवळ बाळगणे, गावठी हातभट्टीची दारु विक्री असे ११ गंभीर गुन्हे दाखल आहेत. दिघी, आळंदी परिसरातील अट्टल गुन्हेगार संतोष उर्फ पिंट्या लहू काळे ( वय २८, रा. कोयाळी, ता. खेड) याच्या विरोधात खून, खुनाचा प्रयत्न, अपहरण करून खून, दुखापत, खंडणी, बेकायदेशीर शस्त्र बाळगणे असे १० गंभीर गुन्हे दाखल आहेत. तळेगाव दाभाडे, चाकण परिसरातील अट्टल गुन्हेगार संकेत ऊर्फ माँटी जगदीश नाणेकर ( वय २७, रा. नाणेकरवाडी, ता. खेड) याच्या विरोधात खून, खुनाचा प्रयत्न, दुखापत, खंडणी मागणे, बेकायदेशिर शस्त्र बाळगणे, असे चार गंभीर गुन्हे दाखल आहेत. या तीनही गुन्हेगारांना नागपूर कारागृहात एक वर्षासाठी स्थानबद्ध करण्यात आले आहे. मागील आठ महिन्यांत पिंपरी चिंचवडचे पोलीस आयुक्त विनयकुमार चौबे यांनी गुन्हेगारांना स्थानबद्ध करण्याच्या १८ कारवाया केल्या आहेत.
ऑगस्ट महिन्यात ४१ गुन्हेगार तडीपार
पिंपरी-चिंचवड पोलिसांनी ऑगस्ट महिन्यात ४१ गुन्हेगारांना तडीपार केले आहे. तर चालू वर्षात २३९ गुन्हेगारांवर तडीपारीची कारवाई करण्यात आली आहे. परिमंडळ एक मधून दहा गुन्हेगारांना तडीपार करण्यात आले. यामध्ये रसिका गोविंद जगताप (२७, चिखली), रेखा पोपटासिंग तामचीकर (२९, पिंपरी) या दोन महिलांचा समावेश आहे. चिंचवड, दापोडी मधील प्रत्येकी तीन, पिंपरी मधील दोन तर सांगवी आणि भोसरी मधील प्रत्येकी एका गुन्हेगाराचा यामध्ये समावेश आहे. परिमंडळ एक मधून मागील आठ महिन्यांत ४६ गुन्हेगारांना तडीपार केले आहे. परिमंडळ दोन मधून ऑगस्ट महिन्यात दहा गुन्हेगारांना तडीपार करण्यात आले. हिंजवडी आणि देहूरोड पोलीस ठाण्यातील प्रत्येकी तीन तर शिरगाव, वाकड, काळेवाडी, तळेगाव दाभाडे पोलीस ठाण्यातील प्रत्येक एका गुन्हेगाराचा समावेश आहे. परिमंडळ दोन मधून मागील आठ महिन्यात ४२ गुन्हेगारांना तडीपार केले आहे. परिमंडळ तीन मधून ऑगस्ट महिन्यात २१ गुन्हेगारांना तडीपार करण्यात आले. त्यात गौरी रामदास नट ( वय ३६, रा. चाकण) आणि मुक्ता उर्फ संगीता मारुती धोत्रे ( वय ३६, रा. चाकण) या दोन महिलांचा समावेश आहे. परिमंडळ तीन मधून मागील १५१ गुन्हेगारांना तडीपार करण्यात आले आहे.
---------------
अविनाश दुधवडे ( पत्रकार , पुणे लाईव्ह )
AVINASH DUDHAWADE ( REPORTER. PUNE LIVE )
टिप्पण्या
टिप्पणी पोस्ट करा