चाकण विमानतळाला हिरवा कंदिल

पुणे परिसरातील वाढत्या औद्योगिक विकासाचा पसारा आणि फळांच्या निर्यातीस चालना देण्यासाठी पुणे-नाशिक हायवेवर चाकणजवळ नवीन आंतरराष्ट्रीय विमानतळाच्या उभारणीस राज्य सरकारने मान्यता दिली आहे. या विमानतळाचे 'नवीन चाकण' असे नाव राहील. पुणे शहराच्या उत्तरेला ३५ किमी अंतरावर नाशिक हायवेवर चाकण व खेड दरम्यान भीमा नदीच्या उत्तरेस एमआयडीसीजवळ सार्वजनिक-खासगी सहभागावर हा विमानतळ उभारण्यात येईल. त्यासाठी महाराष्ट्र विमानतळ विकास कंपनीस विशेष हेतू कंपनी म्हणून मान्यता दिली आहे. ३ हजार ३६५ हेक्टर जमीन संपादित केली जाईल. प्रकल्प खर्चास मान्यता, राज्य सरकार, केंद सरकार, महाराष्ट्र विमानतळ विकास कंपनी आणि खाजगी कंपन्यांचा किती सहभाग असावा याबाबत स्वतंत्र आदेश नंतर जारी करण्यात येतील. खानदेशातील जळगाव विमानतळाचा विस्तारासाठी ते विमानतळ इंडियन एअरपोर्ट अॅथॉरिटी आणि केंदाकडे हस्तांतरित करण्याचा निर्णय मंत्रिमंडळ बैठकीत झाला. नवीन विकासासाठी आणखी ४१ हेक्टर जमीन संपादित करावी लागणार आहे.